بو گون بسته‌کار، پیانوچو، جاز-مغام اوصلوبونون بانی‌سی، امکدار اینجه‌صنعت خادمی واقف مصطفی‌زاده‌نین دوغوم گونودور.

Kult.az خبر وئریر کی، ۱۹۴۰-جی ایلده باکی شهرین‌ده آنادان اولان واقف مصطفی‌زاده ارکن یاشلاریندا آتاسینی ایتیریر.

اونون تربیه‌سی ایله موسیقی معلمی اولان آناسی مشغول اولور. ۱۹۶۳-جو ایلده آصف زینال‌لی آدینا باکی موسیقی کالجینی بیتیره‌رک باکی موسیقی آکادمییاسینا داخل اولوب و بورادا کیچیک کونسرتلر وئریب، کلوبلاردا چیخیش ائدیب. او، بو دورده اساساً، کلاسیک جاز، بلوز و اویناق ماهنیلار ایفا ائدیب.

آنادان اولماسینین ۸۵-جی ایلدؤنومو تمام اولان اوریژینال ایفاچی‌لیق اوصلوبونا مالک واقیف مصطفی‌زاده مغاملاریمیزی عنعنوی جاز تکنیکاسی ایله بیرلشدیره‌رک مغاملا جازین سینتزینی یارادیب. اونون موسیقیمیزده ائتدیی بو کیمی یئنی‌لیکلر بو گونه قدر اؤز آکتوال‌لیغینی قورویوب ساخلاییر. بو گونون اؤزونده بئله بیر چوخ موسیقی‌چیلر ایفالاریندا محض واقیف مصطفی‌زاده‌نین یاراتدیغی جاز-مغام سینتزیندن استفاده ائدیر.

۱۹۶۴-جو ایلده‌ن «اورئرو» آنسامبلینا، «قفقاز» جاز اوچلویونه، «لیلی» و «سئویل» قادین وکال اینسترومنتال و «مغام» اینسترومنتال آنسامبللارینا رهبرلیک ائدیب، بین‌الخالق جاز مسابقه‌لری و فستیواللارینین لاورئاتی اولوب.

فورتپیانو و سیمفونیک اورکستر اوچون کونسرتین، «مغام» سیمفونیاسینین (تماملانمامیش)، بیر سیرا جاز کومپوزیسیالارینین و پیسلرین مؤلفی اولان واقف مصطفی‌زاده آذربایجان جاز موسیقی‌سینین بانی‌سی و یئنی جاز فکرینین (دئویزینین) تاسیس‌چی‌سی‌دیر. او، آذربایجان موسیقی‌سینین، مغامین کلاسیک آمریکان جاز موسیقی‌سی ایله سینتزینی یارادیب. اونون یئنی دئویزی جاز-مغام آدلانیر.

او، ۱۹۷۹-جو ایل دکابرین ۱۶-دا داشکندده گاسترول زامانی اورک توتماسین‌دان وفات ائدیب و باکی‌دا دفن اولونوب.