بو گون خالق آرتیستی، آذربایجان‌دا ایلک پشه‌کار تئاتر تحصیلی گؤرموش آکتریسا فاطما قدری‌نین دوغوم گونودور.

Kult.az خبر وئریر کی، ملی صحنه‌میزین ایلک پشه‌کار آکتریسالاریندان اولان، یوکسک صحنه مدنیتی اؤرنک ساییلان، زنگین دنیاگؤروشلو، جدی کاراکترلی ایفاچی‌سی خالق آرتیستی فاظما قدری ۱۹۰۷-جی آپرلین ۱۴-ده اودسسادا آنادان اولوب.

عائله‌سی چؤرک پولو آردینجا جنوبی آذربایجانین سراب شهریندن بو شهره گلن فاطمانین آتاسی قدیر کیشی شکر زاوودوندا فهله ایشلییردی. ۱۳ اوشاقلی عائله‌نی دولاندیرماق ایسه گون-گوندن چتینلشیر، بیر قارین یئمک مشقته چئوریلیر.

فاطمانین اون ایکی یاشی اولسا دا، او یوخسوللوق اوجباتیندان مکتبه گئده بیلمیر، یاشیدلاریندان گئری قالیردی. قیزینین اوخوماق آرزوسونو حس ائد‌ن آناسی گونلرین بیرینده فاطمانین الیندن توتوب اونو تانیدیقلاری بیر ائوه گتیریر. او، اون ایکی یاشلی قیزینی بو عائله‌یه قوللوقچولوغا وئریر. فاطما بورادا عائله‌نین قوللوقچولوغونو ائدیر، اونا وئریله‌ن امک‌حاقینی ایسه مکتب پولو کیمی ییغیب توپلاییر. فاطما اولجه ملاخانا درسلرینه گئدیر. لاکن سونرادان او، بورادان بئزیب شهرده‌کی خالق مکتبینه گئتمکله روس دیلینده تحصیله باشلاییر. شهر محیطینده آچیق هوادا گؤستریله‌ن تئاتر تاماشالارینین بیرینی ده اؤتورمور.

بیر گون ایسه والدینلری اونو اوشاقسیز-سویسوز اولان وارلی آستارخانلی خالاسینا اؤولادلیغا وئریرلر. فاطما ایسه عائله‌سیندن آیریلماق، باشقا محیط‌ده یاشاماق ایستمدییندن یاری یولدان قاچیب اؤز کاسیب داخمالارینا قاییدیر.

گونلرین بیر گونو فاطما اودسسادا چکیست ایشله‌یه‌ن احد آخوندزاده ایله قارشیلاشیر. آخوندزاده فاطمایا عاشق اولور و اونو اؤزو ایله باکییا گتیریر. آخونزاده‌لرین قوهومو مشهور اپرا صنعتکاری شؤوکت ممدووا اونلارین ائوینده تئز-تئز قوناق اولوردو. چوخ کئچمیر کی، او، فاطمایا کمکلیک ائتمیی اؤز بوینونا گؤتورور. فاطما شؤوکت خانیمین تشببوسو ایله یئنیجه یارادیلمیش باکی آذربایجان پداگوژی اینستیتوتونا قبول ائدیلیر. لاکن او عائله‌سیندن گیزلین هم ده دولت تئاتر تکنیکومونا اوخویور. بورادا آلکساندر توقانوولا، جعفر جابارلی ایله تانیش اولور.

فاطمانین تحصیل آلماسیندا بالدیزلارینین و قایینلارینین رولو چوخ بؤیوک اولور. عائله و حیات یولداشی اونون تحصیل آلماسینی دستکلییر، آنجاق اونون آکتریسا اولماسینی قطعی شکلده ایسته‌میرلر. بیر مدت سونرا آخوندزاده ایله فاطما آراسیندا سویوقلوق یارانیر. دؤرد ایلدن سونرا ایسه جوتلوک یوللارینی آییریر. فاطما اریندن بوشانیر.

فاطما قدری صحنه فعالیتینه ۱۹۲۷-جی ایلده باکی تورک ایشچی تئاتریندا باشلاییب، بورادا نوبار ("جانجور صمد"، م. افندیئو؛ ژ. ب. مولیرین "زورن خسته" اثرینین تبدیلی)، سوروجوین ("هیند قیزی"، ا. حامد)، اوا-شن ("چین تانریسی"، ف. پاولوون "تونج بوت" اثری اوزره)، گولوش و سئویل ("سئویل"، ج. جابارلی)، خمار ("شیخ صنعان"، ه. جاوید)، اسمرالدا ("پاریس نوتردام کلیسه‌سی"، ویکتور هوگونون عینی‌آدلی اثری اوزره)، گولباهار ("آنامین کتابی"، ج. ممدقولوزاده) کیمی صحنه اوبرازلاری یارادیب.

۱۹۳۲-۱۹۳۵-جی ایللرده باکی روس درام تئاترینین آکتریساسی اولوب، ۱۹۳۵-جی ایلدن آذربایجان ملی درام تئاتریندا ایشله‌ییب. اساس روللاری: خورامان ("واقیف"، س. وورغون)، جولیتا، امیلیا ("رومئو و جولیتا"، "اوتللو"، او. شکسپیر)، لویزا ("مکر و محبت"، ف. شیلر)، لاریسا، کاترینا ("جهیزسیز قیز"، "طوفان"، آ. اوسترووسکی)، پولینا ("اؤگئی آنا"، او. بالزاک)، گولتکین ("آیدین"، ج. جابارلی)، محبت ("محبت"، م. ابراهیموو). ۱۹۳۳-جو ایلدن پداگوژی فعالیت گؤستریب.

او، ۱۹۳۳-جو ایلدن پداگوژی فعالیت گؤستریب. ف. قدری ۱۹۳۶-جی ایلده امکدار آرتیستی، ۱۹۴۳-جو ایلده ایسه خالق آرتیستی فخری آدلارینا لایق گؤرولوب.

فاطما قدری ۱۹۶۸-جی ایل فورالین ۲۹-دا باکیدا وفات ائدیب.