یازیچی، ترجمه‌چی، شاعر و پئداگوگ حبیب ساهیرین دوغوم گونودور.

Kult.az خبر وئریر کی، هبیب ساهیر ۲۲ آپرئل ۱۹۰۳-جو ایلده تبریزده آنادان اولوب.

ساهیر ایلک و اورتا مکتبی تبریزده بیتیردیک‌دن سونرا ۱۹۲۷-جی ایلده تورکییه‌یه گئدیب. تورکییه‌ده یاشایان ایران‌لیلار اوچون آچیلمیش "دبستان ایرانیان" مکتبین‌ده ایکی ایل فارس دیلی و ادبیاتی معلمی کیمی ایشله‌ییب.

۱۹۲۹-جو ایلده ایستانبول اونیورسیتتینین تاریخ و جغرافیا فاکولته‌سینه قبول اولونوب. بورادا چاغداش تورک و فرانسیز پویزییاسی ایله یاخین‌دان تانیش اولوب.

اؤز دیلی ایله یاناشی فرانسیز، فارس، عرب و روس دیللرینی یاخشی بیلن شاعر، بیر نئچه آوروپالی یازیچینین، او جمله‌دن بودلر، لامارتین، قورکی، لرمونتوو و دیگرلرینین اثرلرینی دیلیمیزه ترجمه ائدیب. عینی زمان‌دا فرانسیزجا شعرلر و عربجه کیچیک حکایه‌لر یازیب.

او، هم ده تقی روفعت‌دن سونرا آذربایجان تورکجه‌سینده سربست شعیر نمونه‌لرینی یارادان شاعردیر.

ساهیرین ۱۹۶۵-جی ایلده آنا دیلینده یازدیغی ایلک شعیر کتابی "لیریک شعیرلر" چاپ اولونوب. "سحر ایشیق‌لانیر"، "سؤنمه‌یه‌ن ایشیقلار"، "داغینیق خاطره‌لر"، "کؤوشن" آدلی کتابلاری ایران‌دا ۱۹۷۹-جو ایل انقلابین‌دان سونرا ایشیق اوزو گؤروب.

حبیب ساهیر آذربایجان ادبیاتیندا اهمیتلی چکییه مالک اولسا دا، هم پهلوی، هم ده اسلام رسپوبلیکاسی دورون‌ده مخالف موقعینه گؤره تضییقلرله اوزلشیب، بیر چوخ ادبی درنکلرده اشتراک ائتمه‌ییب.

تنقیدچی شاعر پهلوی حاکمیتی دورون‌ده محمد حسن شهریاری حاکمیته یاخین موقعینه گؤره تنقید ائدیب، اونونلا مناسبتینی کسیب و اونو تنقید ائد‌ن شعر یازیب.

حبیب ساهیر (اولکر)۱۹۸۵-جی ایلده ۸۲ یاشین‌دا تهران‌دا یاشادیغی ائوین پنجره‌سیندن اؤزونو آساراق انتحار ائدیب.

بیزه یاد کابوسو باخ کؤلگه سالیب

بو اؤلوم‌دور، بو اؤلوم کؤلگه‌سی‌دیر!

یاد دیلی اولسادا خوش سس‌لی، یئنه

بیزجه ارباب سسی، جلاد سسی‌دیر...

خانلیغین باخما دونو قیرمیزی‌دیر

او بویا ائل-اوبانین آل قانی‌دیر

او بیزیم وارلیغیمیزلا دؤیوشور

او بیزیم شعیریمیزین دشمنی‌دیر...

***

قورخما، بو ماوی گؤی آلتین‌دا یانان آل گونشین،

و افق‌لرده گوله‌ن آل شفقین سؤنمه‌یه‌جک.

ایلک بهاردا آچاجاق گول، اؤتجک بولبوللر،

دنیامیز بیر ده بو عالم‌ده خزان گؤرمه‌یه‌جک.

دنیا دوردوقجا سهندین اوجا بورجونده یانان

او گوموش رنگلی آیین یوللاری آیدینلاداجاق.

آخاجاق نهرلرین، هم آچاجاق لاله‌لرین،

بیرده ائولرده اینان سؤنمه‌یه‌جک اود و اوجاق.

ای منیم شان‌لی ائلیم، هموطنیم، آل گونشیم،

آینا تک پارلاق افق، دریا تکین چرخ اسیر.

ای قادینلار، آنالار، بیرجه آچین پنجره‌نی،

صبح آچیلماقدادی، صبحون یئلی داغلاردان اسیر...