آوروپا کوسمیک آگنتلیی هله ۲۰۲۵-جی ایلین مارتین‌دا «۲۰۲۵ ف.ا ۲۲» اولاراق تعیین ائدیلمیش پتنسیال تهلوکه‌لی آستروید آشکارلامیشدی. جمعه آخشامی نهنگ آستروید یئره یاخین مسافه‌دن کئچیب.

Axar.az خبر وئریر کی، بو باره‌ده آوروپا کوسمیک آگنتلیی معلومات یاییب.

قید اولونوب کی، ایلکین مشاهده‌لره گؤره، آستروید ۲۰۸۹-جو ایلده پلانتیمیزه تهلوکه‌لی درجه‌ده یاخینلاشا بیلردی. داها سونراکی ایزله‌مه «۲۰۲۵ ف.ا ۲۲»نی تهلوکه‌لی آسترویدلر سیاهی‌سیندان چیخارماغا امکان وئریب، لاکن اونون یئر کوره‌سینه یاخینلاشماسی بو گون پلانتلرین مدافعه‌سی خدمتلری اوچون تعلیم مشقی کیمی استفاده اولونا بیلر.

«۲۰۲۵ فا۲۲» آسترویدی باکی واختی ایله ساعت ۱۱:۴۱-ده یئر کوره‌سینه یاخین مسافه‌دن تهلوکه‌سیز شکل‌ده کئچیب. اوبیکت پلانتیمیزه آیدان تخمیناً ایکی دفعه اوزاق مسافه‌ده اوچوب. بو گؤی جسمینین دیامتری ۱۳۰ ایله ۲۹۰ متر آراسین‌دا دییشیر. یئره یاخین‌دان یاناشما بیزه اونون حاقین‌دا داها چوخ معلومات الده ائتمه‌یه امکان وئرجک. بو مقصدله آوروپا کوسمیک آگنتلیی بو ایلین اوکتیابر آیینا قدر داوام ائد‌جک «۲۰۲۵ ف.ا ۲۲» اوچون مشاهده کامپانیاسینا باشلاییب.

«۲۰۲۵ ف ا ۲۲» آسترویدینین هرطرفلی مشاهده‌لری اونون ترکیبینی، دقیق اؤلچوسونو و سطح خصوصیتلرینی - یئر کوره‌سینه تهلوکه‌نی آزالتماق اوچون حسابلامالارا لازم اولان پارامترلری معین ائتمه‌یه کمک ائد‌جک. حاضردا بو، پلانتیمیز اوچون تهلوکه یاراتمادان آسترویدی قیمتله‌ندیرمک امکانی‌دیر، اونا گؤره ده یئره یاخین مسافه‌ده یاناشما «تعلیم هیجانینا» جواب وئرمک و موافیق خدمتلرین ایشینی یوخلاماق اوچون الوئریشلی اصولدور.