اوکراینا پایتختی کیئوین اوبولون رایونوندا باشیندان گولله یاراسی آلمیش ۳۲ یاشلی کیشی میتی آشکارلانیب.

Axar.az- خبر وئریر کی، بو باره‌ده "رب‌ج-اوکراینا" معلومات یاییب.

بیلدیریلیب کی، میت بو گون سحر ساعتلاریندا آوتوموبیلینین ایچری‌سینده تاپیلیب و یانیندا اؤز آدینا قیدیات‌دا اولان سلاح معین ائدیله‌رک گؤتورولوب.

ایلکین آراشدیرمالار نتیجه‌سینده اؤلن شخصین کریپتووالیوتا ساحه‌سینده فعالیت گؤستره‌ن ایش آدامی و بلوگر اولدوغو معین ائدیلیب. بیر گون اول، او، عائله‌سینه مادی سیخینتیلار سببیندن دپرسسییایا دوشدویونو بیلدیریب و وداع مئساژی گؤندریب.

پلیس اؤلنین آدینی آچیقلاماسا دا، سوسیال شبکه‌لرده اونون بیزنسمن کوستیا کودو کیمی تانینان کونستانتین گانیچ اولدوغو باره‌ده معلوماتلار یاییلیب.

حادثه ایله باغلی جنایت ایشی آچیلیب. قانلی اولایین سببلری معیینله‌شدیریلیر.