بلوک یئنی سرت ایقلیم و انسان حقوقلاری قایدالاریندان امتنا ائتمه‌سه، اونون تجارت، اینوستیسیا و انرژی تجهیزاتی زده‌لنه‌جک.

Axar.az خبر وئریر کی، بئله بیر خبردارلیغی آوروپا اتفاقینا آمریکا و قطر ائدیب.

اونلار بیلدیریبلر کی، آوروپا اتفاقینین کورپوراتیو دایانیقلی‌لیق اوزره لازیمی آراشدیرما دیرکتیوی آوروپا اقتصادیاتینین بؤیومه‌سی، رقابت قابیلیتی و دایانیق‌لی‌لیغی اوچون «اکزیستنسیال تهلوکه» یارادیر و اونون انرژی تهلوکسیزلیینی تهلوکه آلتینا قویور.

قید ائدک کی، ۲۰۲۷-جی ایلده‌ن قوه‌یه مینه‌جک لازیمی آراشدیرما قانونو، آوروپا اتفاقی عضولرینه، تداروک زنجیرلری اطراف محطه و یا انسان حقوقلارینا ضرر ووران شیرکتلری گلوبال دوریه‌نین ۵%-نه قدر جریمه‌له‌مه‌یه امکان وئره‌جک.

آمریکا و قطر، همچینین جمعه گونو آوروپا بیرلیییی قانون وئریجیلری طرفین‌دن گونده‌مه گتیریله‌جک قایدالارین، روسیانین ۲۰۲۲-جی ایلده اوکراینایا گئنیش مقیاس‌لی مداخله‌سین‌دن سونرا بلوک اوچون حیات خطینه چئوریلمیش مایع‌لشدیریلمیش طبیعی گازین اخراجینا ضرر وئرجیینی سؤیله‌ییب.

آمریکا و قطرین انرگئتیکا ناظرلری آوروپا اتفاقی لیدرلرینه بیرگه مکتوب‌دا یازیبلار. مکتوب‌دا تکلیف ائدیلیر کی، آوروپا اتفاقی قایدالاری ایول آیین‌دا بلوک ایله پرزیدنت دونالد ترامپ آراسیندا باغلانمیش سون تجارت سازشینه ده خلل گتیره بیلر. بو سازشله آوروپا اتفاقی دولتلری ۲۰۲۸-جی ایلین سونونا قدر آمریکادان ۷۵۰ میلیارد دلار دیرینده انرژی آلماغی عهده‌سینه گؤتوروب.

خاطرلاداق کی، آوروپانین انرگتیکا ناظرلری آوروپا اتفاقینین روسیادان آلدیغی گازین قالان ۱۹%-نی ۲۰۲۷-جی ایلین سونونا قدر لغو ائتمه‌یه راضیلاشیبلار کی، بو دا بلوکو آلترناتیو منبع‌لر آختارماغا مجبور ائدیب.