روسیا آمریکانین یئرآلتی نووه سیناقلاری کئچیرمه‌سینی پاسیو شکیلده ایزله‌یه بیلمز و ایزله‌مه‌یه‌جک، نووه سلاحلاری مسئله‌لرینده برابرلییی تعمین ائتمک واجیبدیر.

Axar.az خبر وئریر کی، بونو روسیالی پولیتولوگ ایگور کوروتچنکو دئییب.

«نووه سلاحی کیمی حساس مسئله‌لرده پاریتت یاناشمانین تعمین ائدیلمه‌سی واجیب‌دیر. روسیا آمریکانین موافق مقاوله‌لردن چیخیب یئرآلتی نووه پارتلاییشلارینا باشلاماسینی پاسسیو شکیل‌ده ایزله‌یه بیلمز و ایزله‌مه‌یه‌جک ده. بونا اویغون اولاراق، روسیا دا سیناقلارا باشلایاجاق. اوخشار یاناشمانی نووه کلوبونون آپاریجی عضولری اولان چین، پاکستان، هیندیستان و شمالی کره ده نمایش ائتدیره‌جک»، - او بیلدیریب.

کوروتچنکو علاوه ائدیب کی، آمریکا «نوادا» پولیگونون‌دا پراکتیکی یئرآلتی نووه سیناقلاری کئچیررسه، روسیا قارشی‌لیقلیلیق پرینسیپینه و ملی تهلوکسیزلیینین تعمین ائدیلمه‌سینه اساس‌لاناراق «نووایا زملیا»داکی پولیگون‌دا دا نووه سیناقلارینا باشلایاجاق.