روسیا پرزیدنتی ولادیمیر پوتین یازیچی آلکساندر پروخانوون قالماقاللی «لمنر» رومانینی اوخویوب و کتاب اونون خوشونا گلمه‌ییب.

Kult.az خبر وئریر کی، بو باره‌ده «کرملیووسکایا تاباکرکا» تلگرام کانالی کرمل‌ده‌کی منبع‌یه استنادلا معلومات یاییب.

«رومان‌دا ولادیمیر ولادیمیروویچین تعریفلدیی بعضی حصه‌لر وار. مثلاً، او، رومان‌داکی خاینین - مشهور پریگوژینین («واگنر» اؤزل حربی شرکتینین کئچمیش رهبری) پروتوتیپینین اؤلومونو بینیب. اما عمومی‌لیکده یازیچینین پرزیدنتی تصویر ائتمه طرزی ایرنج‌دیر. و خیانته یاخین‌دیر. اوسته‌لیک، پروخانوو ندنسه پوشکینی لاغا قویوب، بئله بیر شی اولا بیلرمی؟»، - منبع بیلدیریب.

اونون سؤزلرینه گؤره، پوتین باشقالارینین دا بیر داها بئله ایرنج شیلر یازماماسی اوچون پروخانووو داها سرت شکل‌ده جزالاندیرماق ایسته‌ییب:

«لاکن اطرافینداکیلار پوتینی یازیچییا توخونماماغا راضی سالا بیلیبلر. اونلار دئییبلر کی، پروخانوون ۸۷ یاشی وار، قوجالیب و تئزلیکله اؤلجک. ولادیمیر ولادیمیروویچ ده هله‌لیک پروخانوو راحت بوراخماغا راضی اولوب. اما شخصاً من اونون جزا ایدئیاسینا قاییتمایاجاغینا امین دئییله‌م».