تورکیه روسیادان آلدیغی اس-۴۰۰ هوا هجومون‌دان مدافعه سیستملرینی گئری قایتارماغا چالیشیر. بئله بیر آددیم آنکارایا اوزون مدتدیر ایستدیی اف-۳۵ دؤیوش طیاره‌لرینی آلماغا امکان وئره بیلر.

Axar.az خبر وئریر کی، بو ادعا ایله «بلومبرگ» چیخیش ائدیب.

بیلدیریلیب کی، تورکیه پرزیدنتی رجب طیب اردوغان اؤتن هفته روسیالی همکاری ولادیمیر پوتینله تورکمنیستان‌دا کئچیریله‌ن گؤروشده اس-۴۰۰ مسئله‌سینی ده قالدیریب.

مسکوا و آنکارا ۲۰۱۷-جی ایلده اس-۴۰۰ سیستملرینین تداروکو ایله باغلی ۲،۵ میلیارد دلارلیق مقاوله امضالاییبلار. آمریکا تورکیه‌نی اف-۳۵ پروگرامیندان کنارلاشدیراراق و بیر نئچه تورک مدافعه شرکتینه قارشی جاآتسا کیمی تانینان سانکسییا رژیمینی تطبیق ائد‌رک، راضیلاشمانین قارشی‌سینی آلماغا چالیشیب. اساسنامه‌ده قید اولونوب کی، روسیانین هوا هجوموندان مدافعه سیستملرینین آنکارایا تداروکو «آمریکا حربی تخنولوگییاسی و پئرسونالینین تهلوکه‌سیزلیینی تهلوکه آلتینا قویور و روسیا مدافعه سکتورونا اهمیتلی رسورس وئریر». بونا باخمایاراق، راکت سیستملری ۲۰۱۹-جو ایلین یاییندا تورکیه‌یه تحویل وئریلیب.