آوسترالیالیلار احمد الاحمد اوچون آرتیق ۱،۵ میلیون آمریکا دلاری وسایت توپلاییبلار.

Axar.az خبر وئریر کی، «آسوشیتد پرس» ایانه ائد‌نلرین سایینین ۴۰ مین نفره چاتدیغینی یازیب.

عینی زمان‌دا، احمدی خسته‌خانادا اؤلکه‌نین باش ناظیری ده زیارت ائدیب.

قید ائدک کی، احمد الاحمد یهودی بایرامینا هجوم ائد‌نلردن بیرینی ترک-سلاح ائتمه‌سی ایله مشهورلاشیب. بئله کی، او، حیاتینی ریسکه آتاراق، ترورچولاردان بیرینین سلاحینی اله کئچیریب. اونون بو شجاعتینی عکس ائتدیرن گؤرونتولر سوسیال شبکه‌لرده سرعتله یاییلیب و تقدیر ائدیلیب.

اؤلکه اهالی‌سی حیاتینی تهلوکه‌یه آتاراق یالین ال-له سلاح‌لی ترورچونون اوستونه گئدن و اونو ترک-سلاح ائد‌ن احمد اوچون ایانه کامپانییاسینا باشلاییب.

احمد الاحمد ترورچو ایله البیاخا اولارکه‌ن ایکی گوله یاراسی آلمیشدی.

خاطیرلاداق کی، آوسترالیانین بوندی چیمرلیینده هانوککا بایرامی زمانی یهودیلره هجوم ائد‌ن آتا-اوغول ۱۶ نفری قتله یئتیرمیشدی.