ارمنیستان آذربایجانلا ایکی اؤلکه سرحدینده قورو یوکداشیمالارینین حیاتا کئچیریلمه‌سینی تکلیف ائدیر.

Axar.az خبر وئریر کی، بونو ارمنیستانین اقتصادیات ناظیری گورگ پاپویان بیان ائدیب.

"منیم فکریمجه، حاضردا ارمنیستان و آذربایجان آراسین‌دا قورو سرحدین آچیلماسی اوچون چوخ یاخشی واختدیر. بئله کی، ارمنیستان سرحدینه قدر دمیر یولو ایله گتیریله‌ن یوکلر مولتیمودال اصوللا یوک ماشینلارینا یوکلنه‌رک ارمنیستان–آذربایجان قورو سرحدیندن داشینا بیلر. دوشونورم کی، نه ارمنیستان‌دا، نه ده آذربایجان‌دا بونا مانع اولا بیله‌جک شرایط یوخ‌دور. منیم تصوراتیم بئله‌دیر کی، بیزنس محیطی ده بونا حاضردیر"، – دئیه او وورغولاییب.

اونون سؤزلرینه گؤره، اوللر آذربایجان–ارمنیستان ترانزیتینین گورجوستان دمیر یوللاری واسطه‌سیله قیمتی نسبتا یوکسک و رقابته‌داوام‌سیز حساب اولونوردو، لاکن دانیشیقلار هله ده داوام ائدیر.

"بیر طرفده گورجوستان دمیر یولو شرکتی، دیگر طرفده ایسه تاخیل و یا بنزین ایدخال ائد‌ن شرکتلر وار. طبیعی کی، اونلارین دانیشیقلار آپارماسی و ان اوپتیمال واریانتی تاپماسی لازم‌دیر"، – پاپویان بیلدیریب.

ارمنیستانین باش ناظیری نیکول پاشینیان ایسه گورجوستان دمیر یوللاری ایله یوک ترانزیتی تعریفلری مسئله‌سینی شرح ائدرکه‌ن قید ائدیب کی، اگر بو مسئله حل اولونماسا، طبیعی اولاراق تصروفات سوبیکتلری ایدخال و اخراجی تامین ائتمک اوچون آلترناتیو یوللار آختارماغا باشلایاجاقلار.