ارمنیستانین باش ناظیری نیکول پاشینیان روسیانی سئچیم قارشی‌سیندا قویوب. پاشینیان کرملینه تکلیف ائدیب کی، روسیا ارمنیستانی آذربایجان و تورکیه ایله بیرلشدیرن دمیر یوللارینی برپا ائتسین.

Axar.az خبر وئریر کی، بو باره‌ده پولیتولوق ائلخان شاهین‌اوغلو قید ائدیب.

«پاشینیانین مسکوایا مراجعت ائتمه‌سینین سببی بودور کی، کئچمیش پرزیدنت روبرت کؤچریان واختیله داخلی دمیر یوللارینی روسیا دمیریول اداره‌سینه ساتیب. پاشینیان دا بوندان چیخیش ائد‌رک روسیانین بالانسین‌دا اولان ارمنیستان دمیر یوللارینین برپاسینی مسکوادان خواهش ائدیب. مسکوانین بو خواهشه مثبت و یا منفی جوابلارین‌دان هر بیری پاشینیانین خیرینه اولاجاق. روسیا حکومتی دمیر یوللارینین برپاسینا راضیلاشارسا، ارمنیستان پول خرجله‌مه‌دن کئچمیش اس.اس.ار.ای دؤورونده موجود اولان دمیر یوللارینی برپا ائتمیش اولاجاق. اگر روسیا حکومتی ایروانا منفی جواب وئررسه و یا مسئله‌نین حلینی اوزادارسا، پاشینیانین ارمنیستان دمیر یوللارینی روسیانین بالانسین‌دان چیخارماسی اوچون اساسی اولاجاق»، - پولیتولوق بیلدیریب.