۲۰۲۵-جی ایل هم سیاسی، هم ده اقتصادی باخیم‌دان اوغورسوز ایل اولدو.

بو سؤزلری Axar.az-آ آچیقلاماسین‌دا اکسپرت سامیر هومبتوو ایتالیا باش ناظری جورجیا ملونینین «۲۰۲۵-جی ایل گرگین کئچدی، اما ناراحات اولمایین، ۲۰۲۶ داها پیس اولاجاق» فکرینه مناسبت بیلدیررکن دئییب.

«ملونینین فکرینه اساس سبب بودور کی، آوروپا بیرلییی روسیا-اوکراینا محاربه‌سینده جدی ایتکیلرله اوزلشدی. عینی زمان‌دا، اقتصادی چتین‌لیکله اوز-اوزه قالدی.

۲۰۲۶-نی اونا گؤره پیس گؤرور کی، بحران داوام ائد‌جک. ۲۰۲۶-نین سونو، ۲۰۲۷-نین اولیندن باشلایاراق، دنیادا اقتصادی وضعیت داها دا آغیرلاشاجاق. بو دا آوروپا بیرلیین‌دن یان کئچمه‌یه‌جک. قارشی‌دا بیزی چوخ بؤیوک دنیا بحرانی گؤزلییر. ۲۰۰۸-جی ایلده اولدوغو کیمی… بو اولاجاقسا، دنیانین چوخ جدی پروبلملرله اوز-اوزه قالماق احتمالی وار»، - هومبتوو وورغولاییب.

اکسپرتین فیکرینجه، روسیا-اوکراینا محاربه‌سی حل اولونمادیقجا، بو پروبلملر ده بؤیویور.