دنیاجا مشهور فوتبولچو کریستیانو رونالدونون مکافاتلاندیرما گئجه‌سینده‌کی چیخیشی گونده‌م اولوب.

Axar.az خبر وئریر کی، رونالدو اؤتن گون دوبایدا کئچیریلن «گلوب سوکر آواردس ۲۰۲۵» مراسیمینده «یاخین شرقین ان یاخشی فوتبولچوسو» (بست میددل ایست پلایر) مکافاتینا لایق گؤرولوب.

بو مکافات اونون ۲۰۲۵-جی ایل عرضینده هم کلوب سویه‌سینده (النصر)، هم ده ملی کماندا ایله گؤستردیی یوکسک پرفورمانسا گؤره وئریلیب.
مکافاتینی آلدیقدان سونرا کورسوده چیخیش ائد‌ن فوتبولچو بو سؤزلری دئییب:

«انشاللاه زده آلمارام و بو ایل ۱۰۰۰-جی قولومو آتارام».

قید ائدک کی، فوتبولچونون «انشاللاه» کلیمه‌سیندن استفاده ائتمه‌سی دنیا مئدیاسیندا گونده‌م اولوب.