اردبیل شهرین‌ده هلیکوپتر قضاسین‌دا هلاک اولان ایرانین کئچمیش پرزیدنتی ابراهیم رئیسینین هیکلی اوجالدیلاجاق.

Axar.az خبر وئریر کی، بو حاق‌دا یئرلی سوسیال مئدیا شبکه‌سینده معلومات یاییلیب.

"بو، سون واختلار اردبیل‌ده اوجالدیلان سعدی شیرازی هیکلیندن سونرا ایکینجی بئله حال‌دیر. اردبیل‌لیلر شهرلرینده آذربایجان شخصیتلرینین هیکللرینین اوجالدیلماسینی گؤزله‌سه‌لر ده، بو هله ده رئاللاشماییب"،- پایلاشیملاردا ناراضی‌لیق ایفاده اولونوب.

"بئله بیر یاناشما آذربایجان تورکلرینه و بو بؤلگه‌نین، خصوصاً ده اردبیلین تاریخی و مدنی شخصیتلرینه قارشی اعتناسیزلیغین نمونه‌سی‌دیر. آذربایجان و اردبیل ایالتینین ادبیات، اینجه‌صنعت و تاریخ ساحه‌لرین‌ده امیی اولان شخصیتلرینین خاطره‌لرینین ابدیلشدیریلمه‌سی و هیکللرینین اوجالدیلماسی گؤزلنیلدیی حال‌دا، عکس حرکتلر بؤلگه‌ده ناراحات‌لیق و اینجیکلیین آرتماسینا سبب اولور"،- عباس لیسانینین آدینا فعالیت گؤسترن کانال‌دا یازیلیب.

قید ائدک کی، ایرانین کئچمیش پرزیدنتی ابراهیم رئیسی، خارجی ایشلر ناظری حسین امیر عبداللهیان، تبریزین امام جمعه‌سی آیت اللاه علی آل-هاشم، شرقی آذربایجان ویلایتینین والیسی مالک رحمتی ۲۰۲۴-جو ایل مایین ۱۹-دا شرقی آذربایجان ویلایتین‌ده باش وئره‌ن هلیکوپتر قضاسین‌دا هلاک اولوب.