بو گون اوکراینا و مولدووا ایلک دانیشیقلار کلاستئرینی آچاراق آوروپا بیرلییینه داخل اولماق یولوندا حل ائدیجی آددیم آتاجاقلار.

Axar.az خبر وئریر کی، بو باره‌ده "گاردیان" معلومات یاییب.

معلوماتا گؤره، اوکراینا کیفایت قدر اراده ایله تکنیکی دانیشیقلاری تخمیناً دؤرد ایل عرضین‌ده باشا چاتدیرا بیلر:

"اوکراینا اؤتن ایلین دکابرین‌دا آوروپا بیرلییینین گئنیشله‌نمه اوزره کمیساری مارتا کوش و باش ناظرین آوروپا و آورو-آتلانتیک اینتگراسییا اوزره معاونی تاراس کاچکا آراسیندا راضیلاشدیریلمیش ۱۰ بندلیک پلاندا نظرده توتولان اصلاحاتلارین جمعی ۱۵%-نی حیاتا کئچیریب. ۱۰ بنددن عبارت پلانا نابو و اوکراینانین کوروپسیایا قارشی مبارزه اوزره اختصاصلاشدیریلمیش پروکورورلوغونون مستقللیینین گوجلندیریلمه‌سی، آنتی‌کوروپسیا ایستراتگییاسینین قبولو، حاکم و پروکورورلارین تعینات پروسسلرین‌ده اصلاحاتلارین آپاریلماسی تدبیرلری داخل‌دیر.

همچینین، آ.ر.پا بیرلیینه داخیل اولماق اوچون اؤلکه مینلرله آوروپا قانون و قرارینی قبول ائتمه‌لی و سونرا موجود عضولردن یک دل راضی‌لیق آلمالیدیر".