اسرائیلین بیروتداکی هجومونا و ایرانین قصاص آلماق تهدیدینه باخمایاراق، آمریکا ایله ایران آراسیندا محاربه‌یه سون قویماق اوچون راضیلاشما پلانی بو گون اوچون هله ده قوه‌ده‌دیر.

Axar.az خبر وئریر کی، بو سؤزلری آمریکا پرزیدنتی دونالد ترامپ «آکسیوس»آ مصاحبه‌سینده دئییب.

"هجوم امضالانمانی بیر نئچه ساعت تاخیره سالدی. ایندی اولمالی ایدی، لاکن بیر نئچه ساعت سونرایا پلانلاشدیریلیر"، - دئیه ترامپ بیلدیریب.

ترامپ بیروتداکی اسرائیل هجومو باره‌ده مشاورلرینین اونا تلفنلا معلومات وئرمه‌مه‌سیندن سارسیلدیغینی و اسرائیلین باش ناظیری بنیامین نتانیاهویا غضبلندیینی بیلدیریب.

"بو، چوخ پیسدیر. راضیلاشمانی امضالامالی اولدوغوموزدان بیر ساعت اول بونون باش وئرمه‌سینه اینانا بیلمیردیم. بنیامین نیه لعنته گلمیش هجوم ائتمه‌لی ایدی؟ من چوخ عصبیلشدیم. اونون هئچ بیر محاکمه‌سی یوخدور. من بونو اونا بیلدیردیم"، - دئیه ترامپ علاوه ائدیب.

ترامپ دئییر کی، ایرانلا راضیلاشما اسرائیل اوچون یاخشی اولاجاق، چونکی بو، ایرانین نووه سلاحی الده ائتمه‌سینین قارشی‌سینی آلاجاق، نووه ماتریالینین اوتیلیزاسییاسینی طلب ائد‌جک و ایرانین نووه اوبیکتلرینین تعجیلی یوخلانیلماسینا امکان وئرجک.