اینتنسیو دانیشیقلاردان سونرا آمریکایلا ایران اسلام رسپوبلیکاسی آراسین‌دا صلح سازشینین الده ائدیلدیینی ممنونیتله اعلان ائدیریک. هر ایکی طرف لبنان دا داخل اولماقلا، بوتون جبهه‌لرده حربی عملیاتلارین درحال و بیردفعه‌لیک دایاندیریلدیغینی بیان ائدیب.

Axar.az خبر وئریر کی، بو سؤزلری پاکیستان باش ناظیری شهباز شریف بیلدیریب.

او بیان ائدیب کی، رسمی امضالانما مراسمی ۱۹ ایوندا ایسوئچره‌ده باش توتاجاق:

«مناقشه‌نین دیپلماتیک یوللا حلینی تاپماق عهده‌لیکلرینه گؤره آمریکا بیرلشمیش اشتاتلارینا و ایران اسلام رسپوبلیکاسینا تشکور ائتمک ایستردیک. همچنین، بو واسطه‌چیلیک سعیلرینده‌کی قارداشلاریمیزا، قطر دولتینین رهبرلیینه بو راضیلاشمانین الده ائدیلمه‌سینده گؤستردیکلری دسته‌یه گؤره صمیمی منتدارلیغیمیزی بیلدیرمک ایستردیک. همچنین، بو باخیمدان بؤیوک تحفه‌لرینه گؤره سعودیه عربیستانی کراللیغی و تورکیه رسپوبلیکاسینین اوزاق‌گؤرن رهبرلیینه خصوصی تشکورومو بیلدیریرم.

آرتیق راضیلاشما قوه‌ده اولدوغوندان، واسطه‌چیلر بو هفته بیر سیرا گؤروشلر تشکیل ائد‌جکلر. بو اجرادان اولکی مذاکره‌لر تکنیکی دانیشیقلارین و رسمی امضالانما مراسمینین تملینی قویاجاق».

قید ائدک کی، اؤتن گون اسرائیلین لبنانا ضربه‌لریندن سونرا ایرانین آمریکایلا دانیشیقلاری دایاندیردیغی خبری یاییلمیشدی.