روسیا لیبرال دموکرات پارتیاسینین سابق رهبری، قالماقاللی سیاستچی ولادیمیر ژیرینووسکینین ایران‌داکی وضعیت و روسیا ایله آمریکا آراسین‌دا دانیشیقلارلا باغلی پروگنوزو اورتایا چیخیب.

Axar.az خبر وئریر کی، ژیرینووسکی روسیا سیاسی توک-شووسوندا ایرانا هجوم ائدیلجیینی و بوندان سونرا روسیا و آمریکانین دنیادا تأثیر دایره‌لرینی بؤلوشدورمه‌یه باشلایاجاغینی آچیقلاییب.

«اونلار ضربه ائندیره‌جکلر - آمریکا گمیلری آرتیق ایران ساحللرینه دوغرو حرکت ائدیر، سیز بونو گؤرمورسونوز. ایرانا هجوم‌دان سونرا میلیونلارلا قاچقین اولاجاق و سونرا بیزیم و آمریکانین پرزیدنتی سوچیده اوتوروب راضیلیغا گله‌جکلر - یالتانین (۱۹۴۵-جی ایل یالتا کنفرانسی - رئد.) یئرینه سوچی اولاجاق»، - ژیرینووسکی دئییب.

قید ائدک کی، ژیرینووسکینین بیر چوخ سیاسی پروگنوزو اؤزونو دوغرولدوب.