روسییا رهبری ولادیمیر پوتینین اوکراینانین ملکی اهالی‌سینه قارشی حیاتا کئچیردیی «قیش ترورو» ایشه یارامیر، جبهه‌ده ایسه روسیا هجومو اساساً دالانا دیرنیب.

Axar.az خبر وئریر کی، بو فکری آلمانیانین «بیلد» نشرینین حربی آنالیتیکی یولیان رؤپک بیلدیریب.

اونون سؤزلرینه گؤره، بو قیش پوتین نهایت کی، اوزون مدت‌لی مقصدینی قیسماً ده اولسا رئاللاشدیرا بیلیب – اوکراینالیلارین هامی‌سینی «قارانلیغا و سویوغا قرق ائتمک» و بونونلا دا اونلاری کاپیتولیاسیایا مجبور ائتمه‌یه اومید ائدیب. روسیا راکت و «ترورچو درونلارین» استحصالینی آرتیردیغی بیر واخت‌دا اوکراینا دئمک اولار کی، بوتون هوا هجوموندان مدافعه راکت احتیاطلارینی توکدیب.

«بونا باخمایاراق، پوتینین ایستراتگییاسی ایشه یارامیر. میلیونلارلا انسانا قارشی گونده‌لیک ترورا رغماً، اوکراینالیلارین اکثریتی محکم دایانیر و روسیانین ایستدیی کیمی اؤز حکومتیندن جبهه‌ده کاپیتولیاسییا و دونباس‌دان امتنا طلب ائتمیر»، – دئیه رؤپک وورغولاییب.

آنالیتیک قید ائدیر کی، روسیا هر گون اوکراینا درونلاری، سویوق و آجلیق سببیندن یوزلرله عسگر ایتیریر. نتیجه‌ده ایسه سون ایکی هفته عرضینده روسیا اوردوسو زاپوروژی ویلایتینده یالنیز اوچ کیچیک کندی اله کئچیره بیلیب. عینی زمان‌دا دونباس‌دا جبهه نسبتاً ثابت قالیر، خارکوو استقامتینده ایسه روسیا باش قرارگاهی عمومیتله شهر و کندلرین گویا اله کئچیریلمه‌سی باره‌ده اویدورما معلوماتلار یایماغا باشلاییب.