غربی آذربایجان ایالتینین بیر نئچچه شهرینده سپاه و "بسیج" قوه‌لرینین سیلاحسیز عضولری آراسیندا سلاح پایلانیلیر.

Axar.az خبر وئریر کی، بو باره‌ده اوفیسی واشینگتون‌دا یئرلشن ایران انسان حاقلاری تشکیلاتی یئرلی منبع‌لره استینادن معلومات یاییب.

بیلدیریلیب کی، ماکو، چالدیران شوط، پولدشت و بازرگان بؤلگه‌لرینده‌کی سپاه و "بسیج" قوه‌لری گئجه ساعتلاریندا گیزلیجه سیلاحلاندیریلیر.

بنبه‌لر وورغولاییب کی، بو قوه‌لر آرتیق ایکی گون‌دور کی، تهدید و تضییق آلتین‌دا سلاح‌سیز عضولرینی سیلاهلانماغا جلب ائدیر.

بونون ایران کورد پارتییالارینین کوالیسییاسینین یارادیلماسیندان و سون گونلرده بین‌الخالق مئدیادا ایران کورد پارتییالارینین حربی عملیاتلاری باره‌ده خبرلرین درج اولونماسیندان سونرا باش وئریب.

حکومتین سیلاحلی کورد گروپلاشمالارینین عراقین شیمالینداکی کوردوستان رئگیونال مختاریتیندن ایرانا کئچمه‌سیندن احتیاطلاندیغی اوچون یئرلی طرفدارلارینی سیلاحلاندیرماغا باشلادیغی احتیمال اولونور.

قید ائدک کی، ایکی گون اول ده، سپاه غربی آذربایجان ایالتینین سایین‌قالا (شاهیندژ) شهرینده اسلام رسپوبلیکاسینا صادق یئرلی اهالینین سلاحلانماسی اوچون آچیق چاغیریش ائدیب و اونلاردان سلاح آلماق اوچون سپاه و "بسیج" مرکزلرینده قیدیات‌دان کئچمه‌لرینی ایسته‌ییب.

اوخشار جهد و چاغیریشین شرقی آذربایجانین بیر نئچه شهرینده ده ائدیلدیی بیلدیریلسه ده، بو، اعتبارلی منبع‌لر طرفین‌دن تصدیق اولونماییب.