غربی آذربایجان ایالتینین بیر نئچه شهرینده سپاه و "بسیج" قوه‌لرینین سلاح‌سیز عضولرینه سلاح پایلانیلیر.

Axar.az خبر وئریر کی، بو باره‌ده اوفیسی واشینگتن‌دا یئرلشه‌ن ایران انسان حاقلاری تشکیلاتی یئرلی منبع‌لره استنادن معلومات یاییب.

بیلدیریلیب کی، ماکو، چالدیران، شوت، پلدشت و بازرقان بؤلگه‌لرینده‌کی سپاه و "بسیج" قوه‌لری گئجه ساعتلارین‌دا گیزلیجه سیلاحلاندیریلیر.

معلوماتا گؤره، بو قوه‌لر آرتیق ایکی گوندور کی، تهدید و تضییق آلتین‌دا سلاح‌سیز عضولرینی سیلاحلانماغا جلب ائدیر:

«بو، ایران‌داکی کورد پارتییالارینین کوالیسییاسینین یارادیلماسیندان و سون گونلرده بین‌الخالق مدیادا بو پارتییالارین حربی عملیاتلاری باره‌ده خبرلرین درج اولونماسیندان سونرا باش وئریب. حکومتین سلاح‌لی کورد گروپلاشمالارینین عراقین شمالین‌داکی کوردوستان رگیونال مختاریتیندن ایرانا کئچمه‌سین‌دن احتیاط ائتدیی اوچون یئرلی طرفدارلارینی سیلاحلاندیرماغا باشلادیغی احتمال اولونور».

قید ائدک کی، ایکی گون اول ده سپاه غربی آذربایجان ایالتینین سایینقالا (شاهیندژ) شهرینده ایرانا صادق یئرلی اهالینین سلاحلانماسی اوچون آچیق چاغیریش ائدیب و اونلاردان سلاح آلماق اوچون سپاه و "بسیج" مرکزلرینده قیدیاتدان کئچمه‌لرینی ایسته‌ییب.

اوخشار جهد و چاغیریشین شرقی آذربایجانین بیر نئچه شهرینده ده ائدیلدیی بیلدیریلسه ده، بو، اعتبارلی منبع‌لر طرفیندن تصدیق اولونماییب.