آمریکا اوکراینایا روسییایا دایر کشفیات معلوماتلاری وئرمه‌یی دایاندیرسا، کرمل ده یاخین شرق‌ده‌کی آمریکا حربی اوبیئکتلرینین دقیق یئرلری ایله باغلی اینفورماسییالاری ایرانا اؤتورمه‌یی دایاندیراجاق.

Axar.az خبر وئریر کی، بو باره‌ده "پولیتیکو"یا گیزلی منبع‌لر معلومات وئریب.

نشر قید ائدیب کی، همین تکلیف کئچن هفته مایامی‌ده کئچیریلن گؤروشده روسییا پرزیدنتینین خصوصی نماینده‌سی کیریلل دمیتریئو طرفیندن آمریکا آدمینیستراسییاسینین نماینده‌لری ایستیو اویتکوفف و جراد کوشنره چاتدیریلیب.

معلوماتا گؤره، آمریکا ایسه ایر‌لی سورولن فیکری رد ائدیب.

بونا باخمایاراق، بئله بیر تکلیفین موجودلوغو آوروپا دیپلوماتلاری آراسیندا ناراحاتلیق یارادیب. اونلار کریتیک بیر دؤورده موسکوانین آوروپا و آمریکا آراسیندا مناقیشه یاراتماغا چالیشماسیندان قورخورلار.

حتی آوروپا بیرلیینین بیر دیپلوماتی روسییانین تکلیفینی سکاندال کاراکترلی آدلاندیریب. اونون فیکرینجه، بو تکلیف آوروپادا بئله بیر شبهه یارادیر کی، اویتکوفف-دمیتریئو گؤروشلری اوکراینادا صلح اوچون هئچ بیر رئال نتیجه وئرمیر و موسکوا بو تکلیفی ائد‌رک آمریکانی آوروپانی کناردا قویان بیر راضیلاشمایا جلب ائتمه‌یه چالیشیر.