بؤیوک بریتانیا یاخین شرقده ایرانین هجوملارینا قارشی مدافعه تدبیرلرینی گوجله‌ندیرمک مقصدیله بؤلگه‌یه علاوه حرب‌چیلر و هوا هجومون‌دان مدافعه سیستملری گؤندرجک.

Axar.az خبر وئریر کی، بو باره‌ده اؤلکه‌نین مدافعه ناظیری جان هیلی معلومات یاییب.

اونون سؤزلرینه گؤره، سعودیه عربیستانی، بحرین و کویته علاوه هوا هجومون‌دان مدافعه گروپلاری و سیستملری یئرلشدیریله‌جک. عینی زمان‌دا، قطرده یئرلشه‌ن «تایفون» قیریجی طیاره‌لرینین استفاده‌سی ده اوزادیلاجاق. یئنی یئرلشدیرمه‌لردن سونرا بؤیوک بریتانیانین کؤرفز رگیونو و کیپرده‌کی عمومی حربی کونتینگنتی تخمیناً ۱۰۰۰ نفره چاتاجاق.

قید ائدک کی، داها اؤنجه‌دن ده بؤیوک بریتانیا حکومتی یاخین شرقده داوام ائد‌ن مناقشه‌یه بیرباشا قوشولماق نیتینده اولمادیغینی و یالنیز مدافعه کاراکترلی تدبیرلر گؤردویونو وورغولاییب. باش ناظیر کیر استارمر بیلدیریب کی، اؤلکه محاربه‌یه جلب اولونمایاجاق، لاکن رگیون‌داکی ماراقلارینی و متفقلرینی قوروماق‌دا داوام ائد‌جک.