آمریکا یاخین شرقده‌کی حربی بازالاریندان بیرین‌ده گئنیش‌میقیاسلی تخلییه حیاتا کئچیریب.

Axar.az خبر وئریر کی، بو باره‌ده آمریکانین نپر رادیوسو معلومات یاییب.

معلوماتا گؤره، بحرین‌ده یئرلشن و آمریکا حربی دنیز قوه‌لرینین ۵-جی دونانماسینین قرارگاهینین یئرلشدیی بازادان تخمیناً ۱۵۰۰ حربچی و اونلارین عائله عضولری تخلییه اولونوب.

بیلدیریلیب کی، ایرانین راکت و پیلوت‌سوز اوچوش آپاراتلاری ایله حیاتا کئچیردیی ضربه‌لردن سونرا یوزلرله دنیزچی آمریکا اراضیسینه گئری قایتاریلیب. عینی زاماندا، رئگیونداکی دیگر آمریکا بازالاریندان دا تخلییه‌لرین آپاریلدیغی بیلدیریلیر.

پنتاگون ایسه هله‌لیک بو معلوماتلاری رسمی شکیلده تصدیقله‌مه‌ییب.

قید ائدک کی، آمریکا و اسرائیلین ایرانا قارشی حربی عملیاتینا قدر سؤزوگئدن بازادا تخمیناً ۸ مین نفر خیدمت ائدیردی.