ایران عالی محکمه‌سی ۲۹ یاشلی سیاسی محبوس و ایران علم و تکنولوگییا اونیورسیته‌سی، آئروکوسمیک مهندس‌لیک - پیک تکنولوگییاسی اوزره ماگیستر طلبه‌سی عرفان شکورزادنین باره‌سینده چیخاریلان اعدام حکمو نو تصدیق ائدیب.

Axar.az خبر وئریر کی، بو باره‌ده انسان حاقلاری تشکیلاتلاری معلومات یاییب.

اعدام حؤکمونون اجراسی اوچون شکورزاده‌نین کرج شهرینین قیزیلحصار حبسخاناسین‌دا کؤچورولدویو بیلدیریلیب.

او، سپاه-ین کشفیات خدمتی طرفیندن "جاسوسلوق و دوشمن اؤلکه‌لرله امکداشلیق" اتهاملاری ایله حبس ائدیلیب.

ع.شکورزاده حبسخانادان یازدیغی مکتوب‌دا ایشکنجه آلتیندا و آیلارلا تک‌آدملیق کامرادا ساخلانیلاراق ساختا اعتراف وئرمه‌یه مجبور ائدیلدیینی بیلدیریب.

۲۰۲۵-جی ایلین فئورال آییندا حبس ائدیله‌ن سیاسی محبوس ۹ آی تک‌آداملیق کامئرادا ساخلانیلیب و ایشکنجه‌لره معروض قالیب.

قید ائدک کی، تبریز اونیورسیته‌سینی الکتریک مهندس‌لییی اختصاصی اوزره بیتیره‌ن عرفان شکورزاده، ایران علم و تکنولوگییا اونیورسیته‌سینده آئروکوسمیک مهندسلیک - پیک تکنولوگییاسی اوزره ماگیستر درجه‌سی پروگرامیندا بیرینجی یئری توتوب.