چین آمریکادان نفت ایدخالینی آرتیراجاق.

Axar.az خبر وئریر کی، بونو آمریکانین انرژی ناظری کریس رایت بیلدیریب.

اونون سؤزلرینه گؤره، تکجه چین دئییل، دیگر آسییا اؤلکه‌لری ده آلیاسکادان نفت آلماق‌دا ماراقلیدیرلار.

هرمز بوغازینداکی وضعیته توخونان ناظر بیلدیریب کی، بو سو یولو اهمیتینی ایتیریر و بونا گؤره ده فارس کؤرفزی اؤلکه‌لرین‌دن انرژی ایخراجی اوچون "یئنی مارشروتلار" حاضرلانیر. او، خصوصیله یاخین شرق‌ده داها چوخ بورو کمرینین چکیلمه‌سینین پلانلاشدیریلدیغینی بیلدیریب.

"فارس کؤرفزیندن انرژی رئسورسلارینین ایخراجی اوچون باشقا مارشروتلار دا اولاجاق. هرمز بوغازینین اهمیتینین آزالدیغینی گؤرجه‌ییک، لاکین بو اؤلکه‌لردن انرژی استحصالی و تجهیزاتینین اهمیتی آزالمایاجاق"، - دئیه او علاوه ائدیب.

خاطیرلاداق کی، بو هفته چینه سفر ائد‌ن آمریکا پرزیدنتی دونالد ترامپ همکاری شی جین‌پینگین آمریکا نفتینی آلماغی دوشوندویونو بیلدیرمیشدی.