آنکارا محکمه‌سینین قراری ایله ج.ح.پ-نین ۳۸-جی قورولتایینین نتیجه‌لرینین لغو ائدیلمه‌سی، اؤزگور اؤزلین پوستوندان اوزاقلاشدیریلماسی و کیلیچداروغلونون رهبرلییه قاییتماسینین حادثه‌لرین ایکی استقامت‌ده انکشافینا یؤن وئرجیی گؤرونور.

بیرینجی‌سی، آنا مخالیفت پارتیاسی داخلین‌ده پارچالانمالار قاچیلماز اولاجاق.

آرتیق کیلیچداروغلونون قاییدیشینا اعتراض ائد‌نلر وار. محکمه‌نین قرارینی تانیمایان اؤزل و کومان‌داسی وضعیتی دییشمک اوچون یئنی قورولتای کئچیرمک و نظارتی برپا ائتمک ختتینی ایزله‌یه‌جک. لاکین ۲۰۲۳-جو ایلده‌ن بری گئری قاییتماق استقامتین‌ده ایشله‌یه‌ن کیلیچداروغلو و کومانداسی موقتی گلدیکلری پوستو تحویل وئرمک نیتینده دئییل. بو وضعیت ج.ح.پ داخیلینده جدی قارشی‌دورما و پارچالانمالار وعد ائدیر، استثنا دئییل کی، پروسس اؤزل، یاواش و اماموغلونون یئنی سیاسی پارتیا یاراتماسینا دوغرو دا انکشاف ائده بیلر.

ایکینجی‌سی، ج.ح.پ-ده باش وئره‌نلری تکجه پارتیاداخلی مبارزه یوخ، پوست اردوغان دورونو معینلشدیره‌جک و وارث کیمی اورتایا چیخاجاق یئنی لیدرین یولونو آچاجاق حادثه کیمی قیمتلندیرمک اولار.

کیلیچداروغلونون دؤنوشو، ج.ح.پ-ده ممکن پارچالانمالار طبیعی کی، حاکم پارتییایا صرفه‌لی‌دیر. لاکین مسئله تکجه پارتییالار آراسی سیاسی مبارزه‌دنمی عبارت‌دیر؟ تورکیه‌نین رگیونال و گئوسیاسی آمبیسییالاری فونون‌دا موجود خاریجی سیاست کورسونون ساخلانیلماسی داخلی سیاستده معین حمله‌لرین ائدیلمه‌سی ضرورتینی یارادیر. بو ضرورتدن شخصی و سیاسی ماراقلار اوچون ده استفاده ائدیلدیی معلوم‌دور، مثال اوچون، امام اوغلونون بؤیومه‌سینه قارشی آتیلان آددیملار تکجه حاکم پارتیایا یوخ، کیلیچداروغلویا دا سیاسی گلجیینی ساخلاماق باخیمیندان صرفه‌لی ایدی، حتی بورادا اؤزلین یولونون آچیلماسی عامللری ده گؤرونوردو. ایندی اؤزل و کومانداسی عینی سناری ایله اوزلشیر. و بونون اوزاق پرسپکتیوده پوست اردوغان دورونه حاضرلیق اولدوغو استثنا ائدیلمه‌مه‌لی‌دیر.