ارمنستان هیندیستانلا مدافعه ساحه‌سینده امکداشلیغی فعال شکلده گئنیشلندیریر.

Axar.az خبر وئریر کی، بو باره‌ده «تایمز آف ایندیا» قزئتی معلومات یاییب.

مقاله‌ده سلاحلارین آلینماسینین سببی کیمی ارمنستانین محاربه‌یه حاضیرلاشماسی دا دولاییسی ایله وورغولانیب. بیلدیریلیب کی، گویا ایروان «آذربایجان-پاکیستان-تورکیه اتفاقیندان آرتان تهدیدلر فونوندا» سلاح‌لی قوه‌لرینی گوجله‌ندیرمک اوچون تخمیناً ۲ میلیارد دلار دیرینده سلاح تداروکو مقاوله‌لری امضالاییب.

«بو آددیم ارمنستانین اوکرایناداکی اوزون‌مدتلی مناقشه سببیندن روسیادان حربی دستیین آزالماسیندان سونرا یئنی تهلوکه‌سیزلیک طرفداشلاری آختارماغا مجبور اولماسی ایله علاقه‌داردیر.

علاقه‌لرین درینلشدیریلمه‌سی چرچیوه‌سینده ارمنستان سلاح‌لی قوه‌لرینین اوچ نفرلیک نماینده هیئتی بو یاخینلاردا ماهاراشترا اشتاتینین ناشیک شهرینده‌کی آرتیلریا مکتبینی زیارت ائدیب. ارمنستان حربچیلری هیندیستانین تعلیم متودلاری حاقیندا معلومات الده ائدیب و جانلی آرتیلریا آتشلرینی مشاهده ائدیبلر»، - مقاله‌ده وورغولانیب.

بوندان علاوه، اؤتن آی ارمنستان سلاح‌لی قوه‌لرینین باش قرارگاه رئیسی گنرال-لیتنانت ادوارد آسریان یئنی دهلی‌ده هیندیستان مدافعه ناظیرلیینین رهبرلیی، او جمله‌دن مدافعه قرارگاهی رئیسی گنرال آنیل چاوهان و اردو قرارگاهی رئیسی گنرال اوپندرا دویودی ایله یوکسک سوییه‌لی دانیشیقلار آپاردیغی خاطیرلادیلیر.

قید ائدک کی، هیندیستان ۲۰۲۰-جی ایلین ۴۴ گونلوک محاربه‌دن سونرا ارمنستانین اساس مدافعه طرفداشلاریندان بیرینه چئوریلیب.