روسیه-اوکراینا محاربه‌سینده کرمل اوچون نؤوبتی آغیر ایتکی باش وئریب و پوتینین شخصاً تانیدیغی، رغبت بسله‌دیی مشهور روسیه‌لی حربچی ناران اوچیر-گوریایئو جبهه‌ده اؤلدورولوب.

Axar.az خبر وئریر کی، بو باره‌ده معلوماتی کالمیکییا رسپوبلیکاسینین رهبری باتو خاسیکوو رسمی شکیلده اعلان ائدیب.

روسیه مئدیاسینین یایدیغی معلوماتا گؤره، کالمیکییا اصیللی اوچیر-گوریایئو ۲۰۲۲-جی ایلده‌ن بری اوکراینایا قارشی دؤیوش عملیاتلاریندا آکتیو شکیلده اشتیراک ائدیب. او، خصوصیله سولدار و سئورسک استقامتینده گئدن آغیر، قانلی دؤیوشلرده فرقلندیینه گؤره "روسیه قهرمانی" فخری آدینا لاییق گؤرولموشدو.

محو ائدیلن حربچینین آدی روسیه اجتیماعیتینه هم ده کرملین خصوصی تبلیغات لاییحه‌لریندن تانیش ایدی. بئله کی، ۲۰۲۵-جی ایلین دکابریندا روسیه پرزیدنتی ولادیمیر پوتین شخصاً اوچیر-گوریایئوی قبولا چاغیریب. روسیه مئدیاسینین یازدیغینا گؤره، پوتین اوندان اوکراینانین دونتسک ویلایتینده یئرلشن سوئرسک شهرینین "آزاد ائدیلمه‌سی" عملیاتینین تفررعاتینی شخصاً دینله‌مک ایسته‌میشدی. لاکین کرملین بؤیوک امیدلر بسله‌دیی و قهرمان استاتوسو وئردیی همین حربچینین دؤیوش یولو اوکراینا جبهه‌سینده بیردفه‌لیک کسیلیب.