اوکراینا کریمی تجرید ائتمه‌یه نایل اولارسا، بو، روسیا داخلین‌ده جدی سیاسی نتیجه‌لره سبب اولا و حتی روسیا پرزیدنتی ولادیمیر پوتینین یاخین اطرافینی اونا قارشی سوءقصد و یا حاکمیت چئوریلیشی جهدینه تحریک ائده بیلر.

Axar.az خبر وئریر کی، بونو اوکراینانین سابیق خاریجی ایشلر ناظری ولادیمیر اوقریزکو دئییب.

"ایندی‌دن اینترنت‌ده «پوتین نه اوچون بیزه لازیم‌دیر؟»، «نه باش وئریر؟»، «نیه بونون جزاسینی بیز چکملیییک؟» کیمی باشلیق‌لی ویدئولار گئنیش یاییلیر. آرتیق بو رژیمین دییشدیریلمه‌سینین ضروری‌لییی ایله باغلی دا فکرلر سسلندیریلیر. بو ایسه جمعیت‌ده احوال روحیه‌نین حقیقتاً دییشمه‌یه باشلادیغینی گؤستریر. حاضردا اونلارین قارشی‌سیندا پوتینی تجرید ائتمک و یا اونو آرادان گؤتورمک، داها سونرا ایسه ایندیه‌دک توپلانمیش بوتون پروبلملرین مسئولیتینی اونون اوزرینه یوکله‌مک اوچون ایده‌آل امکان یارانیب"، - او بیلدیریب.