ناتو لیدرلری روسیانی یئنی‌دن دانیشیقلار ماساسینا قایتارماق مقصدیله اوکراینانین روسیانین درینلیکلرینه پیلوتسوز اوچوش آپاراتلاری ایله ائندیردیی ضربه‌لرین گوجلندیریلمه‌سینی دستکلییرلر.

Axar.az خبر وئریر کی، بونو فینلاندیا پرزیدنتی آلکساندر ایستوب بیلدیریب.

ایستوبون سؤزلرینه گؤره، روسیانین نووه سلاحیندان استفاده ائتمکله مناقشه‌نی گئنیشلندیره بیلجیی ایله باغلی ناراحات‌لیقلارا باخمایاراق، اوکراینانین حربی کامپانییاسی آمریکانین محاربه‌یه دایر ایستراتژی باخیشینی دییشیب و کی‌یئوین دانیشیقلارداکی موقعینی گوجلندیریب.

"دوشونوره‌م کی، ناتو-نون بوتون لیدرلری اوکراینانین بونو نیه ائتدیینی باشا دوشور. هامی حساب ائدیر کی، روسیایا تضییقی داها دا آرتیرماق لازیم‌دیر.
اوکراینا ایله باغلی حاضردا کیفایت قدر الوئریش‌لی وضعیتدییک. چونکی هامی، او جمله‌دن آمریکالی دوستلاریمیز گؤرور کی، اوکراینا حاضردا دؤیوش میدانین‌دا اوستونلوک نمایش ائتدیریر. بو، حتی صلح پروسسین‌ده واسطه‌چی اولماغا چالیشانلارین دا ایستراتژی دوشونجه‌سینی دییشیب. اوکراینا محاربه‌نین اولیندن بری حربی، سیاسی و مالیه باخیمیندان ایندیدک ان گوجلو مؤقع‌ده‌دیر. محض بونا گؤره ده حاضردا روسیادا خیلی ناراحات ائدیجی پروسسلر مشاهده اولونور"، – دئیه ایستوب سؤیله‌ییب.