اسرائیل باش ناظیری بنیامین نتانیاهو دنیا چمپیوناتینین فینالیندا آرگنتینایا دستیینی ایفاده ائدیب.

Axar.az خبر وئریر کی، نتانیاهو بو باره‌ده آرگنتینانین اسرائیلده‌کی سفیری شیمون آکسل واهنیشله گؤروشو زمانی بیلدیریب.

نتانیاهو آرگنتینا آزارکئشی اولدوغونو گیزلتمدیینی سؤیله‌ییب و بیر چوخ اسرائیللیلرین ده عینی حسلری کئچیردیینی علاوه ائدیب.

«من آرگنتینانین آزارکئشی اولدوغومو گیزلتمیرم، دوشونورم کی، اکثر اسرائیل وطنداشلاری بئله دوشونور. چونکی پرزیدنت خاویر میلی اسرائیلین آرگنتینا ایله مناسبتلرینده انقلاب ائدیب و بیزیم داها بؤیوک و یا داها یاخشی دوستلاریمیز یوخ‌دور. بونا گؤره ده بیز اونلاری دستکلییریک»، - او وورغولاییب.

قید ائدک کی، بو گئجه باکی ساعتی ایله ۲۳:۰۰-دا اسپانیا و آرگنتینا دنیا چمپیوناتینین فینالیندا اوز-اوزه گله‌جک.