اوکراینا پیلوتسوز سیستملر قوه‌لری کرچ بره کئچیدینین ۷۵%-نی سیرادان چیخاریب.

Axar.az خبر وئریر کی، بو باره‌ده اوکراینا پیلوتسوز سیستملر قوه‌لرینین کوماندانی روبرت بروودی (مادیار) معلومات یاییب.

«عملیاتدان اول کئچی‌ده بئش بره خدمت گؤستریردی. ایندی اونلاردان ایکیسی – «یئیسک و «سکس وان» تمامیله محو ائدیلیب. دیگری ایسه، «ماریا» سیرادان چیخیب و یئنی‌دن خدمته باشلامایاجاق.

ضربه‌لردن سونرا «لاورنتی» و «پاناگیا» بره‌لری یالنیز قوشقولو بارژالار کیمی استفاده اولونور کی، بو دا اونلارین امکانلارینی یارییا قدر آزالدیر»، - مادیار بیلدیریب.

اونون سؤزلرینه گؤره، ضربه‌لردن اول بره‌لر گونده ۱۸۰-۲۵۰ نقلیات واسطه‌سی داشییا بیلیردی و نقلیاتین تخمیناً ۸۰%-ی روسیا مدافعه ناظیرلیینه مخصوص ایدی.