آمئریکا 15 گوندورکی, تورکییه یه "فَرات قالانی" عملیاتیندا دَستَک وئرمیر.

آخار.آذ خبروئریرکی, بو باره ده اینفورماسییانی تورکییه نین "سؤزجو" قَزئتی اؤزونون اعتیبارلی منبع سینه ایستیناداٌ یاییب. منبع نین سؤزلرینه گؤره, حاضیردا آمئریکا بیرلَشمیش شیتاتلاری په.کا.کا-نین سورییا قولو اولان یِ.پِ.قِ-یه گئنیش دَستک وئرمه یه باشلاییب:

"تورکییه دن باشقا سورییانین اَراضی بوتوولویونو ایسته یَن اؤلکه یوخدور. آمئریکا بیرلَشمیش شتاتلاری بؤلگه ده کورد دؤلتینی قورماق پلانین دان اَل چَکمه ییب. یِ.پِ.قِ-نین لیدئرلریندن بیری یاخالاندیقدان سونرا وئردیگی ایفاده ده آمئریکا بیرلَشمیش شتاتلاری نین کورد دؤلت قورماق اوچون اونلارا هر جور دَستَه یی وئردیگینی بیلدیریب. او, ایستینتاقا وئردیگی ایفاده سینین باشقا بیر یئرینده آمئریکا بیرلَشمیش شتاتلاری نین سورییاداکی کوردلره عراق واسیته سی ایله 100 تیر سیلاح گؤندردیگینی اعتیراف ائدیر. واشینگتون مئنبیچده کی کوردلری وورماغیمیزی ایسته میر. حاضیردا آمئریکا ایله برابر، فرانسانین دا خصوصی تعییناتلاری مئنبیچده قرارلاشیبلار. مئنبیچه 3 مین نفر یِ.پِ.قِ دؤیوشجوسو گتیریلیب. سورییا یاخین شرق باتاقلیغیدیر.بورادا کیمین کیمله ساواشدیغی معیین ائدیله بیلمیر. روسییادا, آمئریکا بیرلشمیش ایشتاتلاری دا یِ.پِ.قِ نی وورماغیمیزی ایسته میر. اَن ماراقلی مقام اودورکی, سورییا حاکیمییه تی ده یِ.پِ.قِ نی وورماغیمیزا قارشی دیر. ائله بو اوچ اؤلکه ده یِ.پِ.قِ نی مودافیعه ائدیر. آمئریکا بیرلَشمیش شتاتلاری یِ.پِ.قِ نی ایستیقامتله ندیریر. حتی کورد دؤیوشچولره 5 مین دلار ماعاش دا وئریلیر. بیزیم مقصدیمیز ایسه کوردلرین غربه ایره لیله مه سینین قارشیسینی آلماق دیر. آنکارا حاضیردا آغیر وضعیتده دیر".