۲۰۱۶-جی ایلده ۱۴۰۰ معاصر حربی تئکنیکا روسییا مدافعه ناظیرلیینین جنوب حربی دایره‌سینه وئریلیب.

آخار .آذ خبر وئریر کی، بو باره‌ده اینفورماسییانی جنوب حربی دایره‌سینین مطبوعات خیدمتی یاییب. مطبوعات خیدمتی همچینین جنوب حربی دایره‌سینین روسییادان کناردا اولان بازالارینا معاصر ت-۷۲ب۳ تانکلاری، پیادالارین دؤیوش ماشینی اولان پ.د.م-۳ و ب.ت.ر-۸۲ا زیرئه‌لی ترانسپورتیورونون وئریلدیینی بیلدیریب.

قئید ائدک کی، جنوب حربی دایره‌سی ۲۰۱۰-جو ایلده فورمالاشدیریلیب. بو دایره‌نین مقصدی روسییانین جنوب-غرب سرحدلرینی، خصوصیله، شیمالی قافقازی مدافعه ائتمک‌دیر. جنوب حربی دایره‌سینین ترکیبینه شیمالی قافقازداکی بوتون نؤوع قوشون بیرلیکلری ایله یاناشی، خزر، قارا دنیز دونانمالاری، ائرمنیستان، قوندارما جنوبی اوسئتییا و آبخازییاداکی روسییا حربی بازالاری داخیل‌دیر. جنوب حربی دایره‌سی ناتو-نون شرقه دوغرو گئنیشله‌نمه‌سی ایله علاقه دار ۲۰۱۳-۲۰۱۶-جی ایللرده یئنی تئکنیکالارلا تجهیز ائدیلمه‌یه باشلانیلیب. اوسته‌لیک، بونونلا علاقه دار شیمالی قافقاز و ائرمنیستان‌دا ایسگندر-م راکئتلری یئرله شدیریلیب.