«فرات قالخانی» حرکاتی چرچیوه‌سین‌ده سورییانین الباب بؤلگه‌سینه یئریدیله‌ن تورکییه اوردوسونون خصوصی تعینات‌لیلاری داها بیر ایشید لیدرینی یاخالاییب.

آخار. آذ خبر وئریر کی، آدی آچیقلانمایان هر ایکی ترورچو تورکییه‌یه گتیریلیب.

اونلاردان بیرینین ۲۰ یانوار تاریخین‌ده ۵ هربچی نین اؤلومو ایله نتیجه‌لنه‌ن ترور هجومونون اساس تشکیلات‌چی‌سی اولدوغو آیدینلاشیب.

بو ترورچولارین الباب‌داکی ترورچولارین سایی، سلاح آنبارلاری و راککاداکی تشکیلات رهبرلیگی ایله باغلی مهم معلوماتلارا مالیک اولدوغو تخمین ائدیلیر.

الده اولونان معلوماتا گؤره، ایشید رهبرلیگی ترورچولاری روحلاندیرماق و هجوملار حیاتا کئچیرمک اوچون ال بابا راککا و اطراف اراضیلردن ۳۰۰-ه قدر فرقلی ایستاتوسدا اولان «امیر» گؤندریب. تورکییه خصوصی تعیناتلی قوه‌لری ده همین امیرلری اله کئچیرمک اوچون عملیاتلار کئچیریر.

اؤتن گون تورکییه طییاره‌لرینین ووردوغو بینا دا امیرلرین سیغیناجاق یئری اولوب. هجوم زامانی ۱۷ امیر اؤلدورولوب، ۱۸۰ هدف دارماداغین ائدیلیب.