لیتوا داغلیق قاراباغ موناقیشه‌سینین یالنیز صولح یولو ایله نیظاملانماسینین طرفداری‌دیر.

آپا-نین لیتوانین میللی مدافعه ناظیرلیینین سایتینا ایستینادا وئردیی خبره گؤره، بونو لیتوا مدافعه ناظری رایمونداس کاروبلیس ارمنیستانین ویلنوسده‌کی سفیری تیگران مکرتچیانلا گؤروشو زامانی دئییب.

قید ائدک کی، داغلیق قاراباغ مناقیشه‌سینین معاصر مرحله‌سی ۱۹۸۸-جی ایلده ارمنیستان اس اس ار-این آذربایجان اس اس ار-ه قارشی اراضی ادعالاری اساسیندا باشلاییب. ۱۹۹۱-۱۹۹۴-جو ایللرده آذربایجانین داغلیق قاراباغ اراضی‌سی اوغرون‌دا ارمنیستانلا آذربایجان آراسین‌دا شدتلی محاربه باش وئریب. نتیجه‌ده آذربایجان اراضیلرینین ۲۰ فایزی - داغلیق قاراباغ و اطراف ۷ اینضیباطی رایون (لاچین، کلبجر، آغدام، فضولی، جبراییل، قوبادلی، زنگیلان) ئرمنیستان سلاحلی قوه‌لری طرفیندن ایشغال اولونوب، ۱ میلیوندان آرتیق اینسان قاچقین و مجبوری کؤچکون وضعیتینه دوشوب. حربی عملیاتلار ۱۹۹۴-جو ایلین مای آییندا بیشکئک‌ده آذربایجان و ارمنیستان آراسیندا ایمضالانمیش آتشکس سازیشی ایله باشا چاتیب.

داغلیق قاراباغ مناقیشه‌سینین حلی ایله آتت-این مینسک قروپو مشغول اولور. قروپ آت‌م (۱۹۹۴-جو ایلین دکابرین‌دا کئچیریلمیش بوداپئشت ساممیتین‌دن سونرا آتت) نازیرلر شوراسینین ۱۹۹۲-جی ایلین ۲۴ مارتین‌دا هئلسینکی‌ده کئچیریلمیش گؤروشون‌ده یارادیلیب. قروپون عضولری آذربایجان، ارمنیستان، روسییا، آمئریکا بیرلشمیش شتاتلاری، فرانسا، ایتالییا، آلمانییا، تورکییه، بئلاروس، فینلاندییا و ایسوئچ‌دیر.

۱۹۹۶-جی ایلین دکابرین‌دان اونون روسییا، آمئریکا و فرانسادان عبارت همصدرلیک اینستیتوتو فعالیت گؤستریر.

ارمنیستان قوشونلارینین داغلیق قاراباغدان قید-شرط‌سیز چیخاریلماسی ایله باغلی بمت تهلوکه‌سیزلیک شوراسینین ۱۹۹۳-جو ایلده قیسا فاصیله‌لرله قبول ائدیلمیش ۸۲۲، ۸۵۳، ۸۷۴ و ۸۸۴ سایلی قطعنامه‌لری، او جمله‌دن بمت باش آسسامبلئیاسی، آشپا، آتت، ایت و دیگر تشکیلات و قوروملارین قطعنامه‌لری مؤوجوددور.