آذربایجان خارجی ایشلر ناظرلییی بو گون "سی.ان.ان وورلد" خبر کانالینین اینترنت صحیفه‌سین‌ده درج اولونموش مقاله‌ده آذربایجان اراضی‌سینین گویا ایرانا قارشی حربی و یا کشفیات عملیاتلاری اوچون استفاده ائدیلمه‌سی، گویا اسرائیله مخصوص قوه‌لرین آذربایجان اراضی‌سینده یئرلشدیریلمه‌سی باره‌ده عکس اولونموش ادعالار تمامیله اساس‌سیزدیر و اونلاری قطعیتله رد ائدیر.

Axar.az خبر وئریر کی، بو باره‌ده خارجی ایشلر ناظرلیینین مطبوعات کاتیبی آیخان حاجیزادنین مسئله علاقه‌لی مناسبتین‌ده بیلدیریلیب.

قید اولونوب کی، همین مقاله‌ده یئر آلان ادعالار آذربایجان طرفین‌دن دفعه‌لرله تکزیب ائدیلیب و بو مؤقع سی.ان.ان-ین سورغوسونا جواب اولاراق اولجه‌دن رئداکسیایا رسمی قایدادا تقدیم ائدیلیب:

"هئچ بیر توتارلی ثبوت اورتایا قویولمادان، آنونیم منبع‌لره اساس‌لانان و آذربایجانین رسمی موقعینی نظره آلمایان ادعالارین یاییملانماسی ژورنالیستیکانین اوبیکتیولیک، غرض‌سیزلیک و پئشه‌کار اتیکا پرینسیپلری ایله ضدیت تشکیل ائدیر".

خارجی ایشلر ناظرلیینین رسمی‌سی علاوه ائدیب:

"دفعه‌لرله بیان ائدیلدیی کیمی، آذربایجان اراضی‌سینین هر هان‌سی اوچونجو دولته قارشی حربی عملیاتلار، کشفیات فعالیتی و یا دیگر دشمن کاراکترلی مقصدلر اوچون استفاده ائدیلمه‌سی باره‌ده ادعالارین هئچ بیر اساسی یوخدور. اؤلکه‌میز بو کیمی فعالیتلره هئچ واخت اجازه وئرمه‌ییب و وئرمه‌یه‌جک.

آذربایجان رگیون‌دا صلحون، ثابیتلیین و مهریبان قونشولوق مناسبتلرینین تشویقینه صادق‌دیر. بو کیمی اساس‌سیز و هئچ بیر ثبوتا اساسلانمایان ادعالار نوبتی دزینفورماسیا جهدی‌دیر. سی.ان.ان-دن اساس‌سیز ادعالارین یاییلدیغی بو مقاله‌نین تکزیب ائدیلمه‌سینی گؤزلییریک".