آوروپا بیرلیینده ان آشاغی امک حاقی بولقاریستان و رومینییادادیر.

آخار. آذ خبر وئریر کی، بو باره‌ده اینفورماسییانی آوروپا ایستاتیستیکا آگنتلیگی یاییب.

بولقاریستاندا ان آشاغی امک حاقی ۲۳۵ آورو، رومانییادا ایسه ۲۷۵ آورو اولوب. آوروپا بیرلیینده ان آشاغی امک حاقینین چوخ اولدوغو اؤلکه‌لر سیراسینا لوکسمبرگ، بلچیکا، آلمانییا، ایرلاندییا و نیدرلاند داخیلدیر. بو اؤلکه‌لرده ان آشاغی امک حاقی ۱۵۰۰-۲۰۰۰ آورو آراسیندا دییشیر. ۲۰۰۸-جی ایلله مقاییسه‌ده مینیمال امک حاقی یونانیستاندان باشقا بوتون آوروپا بیرلیی اؤلکه‌لرینده آرتیب. آوسترییا، دانیمارکا، ایتالییا، قیبریس، فینلاندییا و ایسوئچ کیمی اؤلکه‌لرده ایسه، عمومیتله، ان آشاغی امک حاقی آنلاییشی یوخدور.

آوروپا بیرلیینده ان چوخ قیدایا پول صرف ائد‌ن رومانیلردیر. رومانیلر آیلیق گلیرلرینین ۲۸%-نی قیدایا خرجلییرلر. ایچکی و سیگارته داها چوخ استونلار پول وئریر. اونلار امک حاقلارینین ۸،۸%-نی بونا خرجلییرلر.

کافه و رئستوراندان ایستیفاده‌یه گلدیکده ایسه بورادا رومانیلر ان سونونجو یئری توتورلار. آوروپا بیرلیینده ان چوخ کافه و رستوراندان ایسپانلار ایستیفاده ائدیرلر. اونلار امک حاقلارینین ۱۵%-نی بو ساحه‌یه خرجلییرلر.