ارمنی اوردوسوندا حربی قوللوقچولار آراسیندا قارشیلیقلی مناسیبتلرین پوزولماسی حاللاری چوخالیب. اوردودا اؤلوم فاکتلاری گیزلدیلیر، حقوق محافظه اورقانلاری طرفیندن آراشدیرما آپاریلمیر و سلاحداشینی اؤلدورن حربچیلر ایسه مسئولیته جلب ائدیلمیرلر.

رئپورت خبر وئریر کی، آرملور.آم سایتینین معلوماتینا گؤره، بو بارده متمادی اولاراق ارمنیستان مطبوعاتیندا معلومات و اینفورماسییالار درج ائدیلسه ده حقوق محافظه اورگانلاری یاییلان خبرلری تکزیب ائدیرلر.

معلوماتدا بیلدیریلیر کی، اؤتن ایل سنتیابرین ۷-ده داغلیق قاراباغین ماداگیز یاشاییش منطقه‌سینده یئرلشن سپاراتچی رژیمین حربی حیصه‌سینین اؤن خط مؤقعلرینده ارمنی عسگری آرمان قاندیلیانی اؤلدورن سلاحداشی هایک سیرانیان جینایت مسئولیتینه جلب ائدیلمدن تزخیص ائدیلیب.

اؤلن حربی قوللوقچونون آتاسی آلیک قاندیلیان ارمنی مطبوعاتینا بیلدیریب کی، اوغلونو اؤلدورن هایک سیرانیان گناهینی اعتراف ائتسه ده، اونا قارشی جینایت اتهامی ایر‌لی سورولمه‌ییب: «مستنتیق و پروکورور منه دئدی کی، اؤلومله نتیجلنن بو حال مقصدیؤنلو شکیلده تؤردیلمدیی اوچون بئله ایشلر محکمیه داخیل اولمور».

آ. قاندیلیان بیلدیریب کی، اوردودا حربچیلر آراسیندا یونگول خسارتله نتیجه‌لنن و حربی محکمه‌لره چیخاریلان چوخ حادثه‌لر باش وئریر، لاکین اونون اوغلونون اؤلومونه گؤره هئچ کس مسئولیته جلب اولونمور.

قید ائدک کی، عسگر یولداشینی اؤلدورمکده گوناهکار بیلینن هایک سیرانیان حقوق محافظه اورگانلارینا بیلدیریب کی، سلاحداشی آرمان گاندیلیانی عکس طرفین عسگری ایله سهو سالاراق آکس تیپلی سلاحدان آچدیغی آتش نتیجه‌سینده اؤلدوروب.

حادثه گئجه ساعت ۰۰:۵۰-ده دؤیوش نؤوبت‌چیلیگی زامان باش وئریب. عینی زاماندا معلوم‌دور کی، حادثه‌دن بیر نئچه گون اول اؤلدورولن حربی قوللوقچونون اشیالاری عسگر یولداشلاری طرفیندن اوغورلانیب.