آنکارا بؤیوک شهر بلدییه‌سینین صدری ملیح گؤکچک فئتؤ شبکه‌سی طرفیندن یئنی چئوریلیش جهدینین حاضیرلاندیغینی ادعا ائدیب.

آخار. آذ خبر وئریر کی، شهر رهبری بو باره‌ده تویتتر صحیفه‌سینده یازیب.

«ایندی سیزه بومبا کیمی بیر خبریم وار. اشیتدیینیزده شوک اولاجاقسینیز. بوندان سونرا تانکلا، توپلا قیام ائده بیلمین فئتؤ-چولارین سوء-قصدلرله بو یولا داوام ائدجیینی سؤیلمیشدیک. بو یؤنده جهدلرین حیاتا کئچیریلدیینی بیلیریک. فئتؤ، شبکه‌یه عضو حربچیلره، اؤزل‌للیکله آ ک پ-یه قارشی اولان عسگرلره «تانکسیز-توپسوز چئوریلیش» حیاتا کئچیرمیی تاپشیریب»، - دئیه گؤکچک بیلدیریب.

قید ائدک کی، تورکییه‌لی ژورنالیست محمد شکر ایسه اؤز مقاله‌سینده بو گئجه ساعت ۳-ده چئوریلیش جهدینین اولاجاغینی بیلدیریب.