ارمنیستان جبهه‌ده‌کی دیورسییا و تخریباتلاری آپرله دک داوام ائتدیره‌جک.

بو سؤزلری آخار. آذ-آ آچیقلاماسیندا پولیتولوگ آرزو ناغییئو دئییب. اکسپرتین سؤزلرینه گؤره، جبهه‌ده یارانمیش گرگین وضعیت بیرباشا سرکیسیانین ماراقلارینا خیدمت ائدیر:

«ارمنیستان پرزیدنتینی یالنیز حاکمیتی و اراضی ماراقلاندیریر. بونا گؤره ده داغلیق قاراباغ مسئله‌سی ایندیکی مقامدا ایروان اوچون اساس کارتدیر. سرکیسیانین بو فوندا سون زامانلار قربه مئییلله‌نمه‌سی ایسه یالنیز بیر مقصده خیدمت ائدیر. بئله کی، ارمنی رهبرین آوروپا بیرلییی ایله آسوسیاتیو سازیش ایمضالاماغا چالیشماسی هئچ ده سبب‌سیز دئییل. سرکیسیان سؤزوگئدن سازیشه خالقلارین اؤز مقددراتینی تعین ائتمه مسئله‌سینی سالماق ایستییر. آنجاق رسمی باکی ایروانین بو نیتینی ده پوزاجاق».

پولیتولوگون فیکرینجه، جبهه‌ده تخریباتلار داوام ائد‌جک، آنجاق روسییا، تورکییه، ایران بو پروسسین داها گئنیش وسعت آلماسینا ایمکان وئرمه‌یه‌جک:

«اگر جدی دانیشیقلار پروسسی باشلاماسا، گرگینلیک لوکال حربی عملیاتلارلا نتیجه‌له‌نمه‌یه‌جک. باش وئره‌جک نؤوبتی حربی تخریباتین بو دفعه نه ایله سونلاناجاغینی پروقنوزلاشدیرماق چوخ چتیندیر. بؤلگه‌ده ایریمیقیاسلی محاربه‌نین باشلاماسی بؤیوک دؤولتلره ده صرف ائتمز».