روسییا پرزیدنتی ولادیمیر پوتین اوکراینانین کئچمیش پرزیدنتی ویکتور یانوکویچی کریمی و اوکراینانین شرقینی اونون الین‌دن آلاجاغی ایله باغلی خبردار ائتمیشدی.

آخار. آذ خبر وئریر کی، بونو «۱۱۲ اوکراینا» تلویزییاسیندا چیخیشی زامانی اوکراینالی سیاستچی گنادی موسکال سؤیله‌ییب.

«اوکراینا آسوسیاتیو عضولوک حاقیندا مقاویله ایمضالامازدان اؤنجه پوتین تهدید ائدیردی کی، روسییانین سرحدلرینین ناتو و آوروپا بیرلیینین سرحدلری ایله بیرلشمه‌سینه ایزن وئرمه‌یه‌جک. پوتین کریمدان علاوه یانوکوویچه دونتسک، لوگانسک، خارکوو، نیکولایوسک، اودسا و زاپوروژسکی ویلایتلرینی آلاجاغینی دا دئییردی. محض بو، یانوکوویچین آوروپا بیرلییی ایله مقاویله‌یه ایمضا آتماماسینا سبب اولدو»، – دئیه او بیلدیریب.