آمریکانین کورئیا یاریماداسینا گؤندردیی "کارل وینسون" و دیگر دؤیوش گمیلری آرتیق بؤلگه‌یه ۲ ساعتلیق مسافه‌ده مؤقع توتوب.

تلگراف. کوم خبر وئریر کی، آدمیرال هاری هاریس هجوم دونانماسینین چرشنبه گونو فلیپپین دنیزینده اولدوغونو و شیمالی کورئیایا ۲ ساعتلیق هوجوم مسافه‌سینده یئرلشدیینی آچیقلاییب.

شیمالی کورئیانین نووه تهدیدلرینه قارشی گوج نماییشی مقصدیله یاریمادایا گؤندریلن نووه باشلیغی داشییان "میشیگان" سوآلتی قاییغی دا حاضرلیق وضعیتینه گتیریلیب. بو، فاکتیکی اولاراق آغ ائوین پخنیانا دؤیوش مئساژیدیر.

آمریکا دونانماسینین اینترنت سایتیندا یئرلشدیریلن فوتوشکیللرینده ایسه جنوبی کورئیا و یاپونییا دؤیوش گمیلرینین ده آرتیق "کارل وینسون"لا بیرلیکده حرکت ائتدیی معلوم اولوب.

آدمیرال هاریس راکت هجوموندان مدافعه سیستمینین بیر نئچه گونه حاضر اولاجاغینی و بو سیستمین شیمالی کورئیادان گله بیلجک راکت هجوملارینا قارشی تطبیق اولوناجاغینی قید ائدیب.

بو آرادا بللی اولوب کی، واشینگتن سون هفته‌لر چین اوزریندن شیمالی کورئیایا تضییقلر ائتمک خطینی سئچیب، لاکین بو تضییقلر رئال نتیجه وئرمه‌ییب. رسمی ئکین پخنیاندان نووه سلاحی پروگرامینی دایاندیرماسینی ایسته‌سه ده، آمریکانین جنن کانالینا دانیشان شیمالی کورئیانین رسمی‌سی سوک کول وون نووه پروگرامی ایله باغلی حیاتا کئچیریلن تجروبه‌لرین دایاندیریلمایجاغینی بیان ائدیب.

قید ائدک کی، آرتیق آپرئلین ۲۷-دن باشلایاراق پخنیان آمریکا و اونون متفیقلرینین شیمالی کورئیا سرحدلری یاخینلیغیندا حربی مانورلره باشلاماسینا اؤزونمخصوص فورمادا جاواب وئریب. بئله کی، رسس‌می پخنیان مینلرله آرتیلرییا قورغوسونو و دیگر سلاحلاری سرحدده یئری‌ده‌رک، قارشی طرفه عضله نماییش ائتدیریب.