قیزیمین امانوئل ماکرونا نیسبتا شانسی داها بؤیوکدور.

آخار. آذ خبر وئریر کی، بو سؤزلری فرانسانین اولتراساغچی لیدری، میللی جبهه پارتییاسینین رهبری مارین لو پئنین آتاسی ژان-ماری لو پئن دئییب.

«ماکرون ایکینجی اوللاند حساب ائدیلیر. اونون یئگانه مثبت جهتی اودور کی، هله کی، هئچ نه ائتمه‌ییب. اونا گؤره ده اونو تنقید ائتمک چتیندیر. مارین لو پئن ایسه جبهه‌نین روپورودور. او، آرتیق اؤز گوجونو حس ائدیب. بیز گؤروروک کی، بو گوج ایلدهن-ایله گوجلنیر. لو پئنین ماکرونا نیسبتا شانسی داها بؤیوکدور»، - لو پئن بیلدیریب.

قید ائدک کی، فرانسادا پرزیدنت سئچکیسینین ایکینجی تورونون فاووریتی ماکرون ساییلیر. اونون ان آزی ۶۰ فایز سس توپلایاجاغی سوسیال سورغولارلا تسدیقلنیب.

لو پئن ایسه سسینی آرتیرماق نیتی ایله فعالیتینی داوام ائتدیریر. اؤتن گون لو پئنین لیدری اولدوغو میللی جبهه «قالخ، فرانسا» ایله کوالیسییا یارادیب.