ایسرایل حکومتینین قانونوئریجیلیک مسئلهلری اوزره کمیتهسی دؤولتین میللی کاراکتری ایله باغلی قانون لاییحهسینی یئکدیللیکله تصدیق ائدیب.
آپا-نین وئردیی معلوماتا گؤره، سنده اساساً ایوریت دیلی واحید دولت دیلی ایستاتوسوندا تانیناجاق، عرب دیلی ایسه یالنیز خصوصی ایستاتوسدا اولاجاق.
قانون لاییحهسینده قدسون ایسرایلین پایتاختی کیمی تصدیق ائدیلمهسی ده تکلیف ائدیلیر. «لیکود» پارتییاسینین تکلیفینه اساساً، سندده قئید ائدیلیب کی، ایسرایل دؤولتی دینیندن، ایرقیندن و میللیتیندن آسیلی اولمایاراق، اؤلکهنین هر بیر ساکینینین مدنیتینی، عنعنهسینی و دیلینی قورویور.
مخالیفت ایسه آرتیق قانون لاییحهسینی تنقید ائتمهیه باشلاییب و قانون لاییحهسینین وطنداشلارین دموکراتیک حقوقلارینی پوزدوغونو وورغولاییب. بوندان سونراکی مرحلهده قانون لاییحهسی قانونوئریجی اورگان اولان کنسته تقدیم ائدیلهجک.
قید ائدک کی، حاضردا ایسرایلده ایوریت دیلی ایله برابر عرب دیلی ده دؤولت دیلی ایستاتوسوندادیر. ایسرایلده اهالینین ۲۰ فایزه یاخینی عربلردیر.