آنکارادا مایین ۲۱-نه کئچن گئجه پلیسله آتیشمادا اؤلدورولن ایکی ایشید-چی ده آذربایجان وطنداشلاریدیر.

ویرتوالاذ. اورگ خبر وئریر کی، اونلارین کیملیکلری هله آچیقلانماییب.

بونونلا بئله ترورچولاری آنکارایا آپاران و داها سونرا ایستانبولا قاییدارکن یاخالانان دیگر ایشید عضوونون آذربایجان وطنداشی آبحسین جلیلوو اولدوغو آچیقلانیب. او، قوسار رایونونون یاساب کندینین ساکینی‌دیر، ۱۹۹۳-جو ایلده آنادان اولوب.ان تی وی تلکانالی ترورچونون سوروجولوک وثیقه‌سینین فوتوصورتینی یاییب.

خاطیرلاداق کی، آنکارادا اؤلدورولن ترورچولارین حاکم آکپ-نین اؤتن بازار گونو کئچیریلن نؤوبدنکنار قورولتایینا قارشی ترور هجومو پلانلاشدیردیقلاری آچیقلانیب. آنکارا والیسی ائرجان توپاجا ژورنالیستلره بیلدیریب کی، بو ترورچولارین ایزینه ایستانبولدا یاخالانان آذربایجان وطنداشینین ایفاده‌سی اساسیندا دوشمک ممکون اولوب. همین شخص ایکی ایشید عضوونو کیرایه آوتومبیلله آنکارایا آپاریب و پایتختین مرکزی رایونلاریندان بیرینده کیرایلنمیش منزیله یئرلشدیریب. ترورچولارین قالدیقلاری ائوده‌ن «کالاشانیکوو» آوتوماتلاری، چوخسایلی ال قومبارالاری، پارتلاییجیلار آشکارلانیب.