آمریکا روسییا و چینه قارشی محاربه آپاراجاغی تقدیرده هر ۲ جبهه‌ده غالیب گلمه‌یه قادیردیر.

آخار. آذ خبر وئریر کی، بو باره‌ده «نشنل اینترست»ه مقاله‌سینده میللی تهلوکه‌سیزلیک مسئله‌لری اوزره اکسپرت روبرت فارلی یازیب.

اونون سؤزلرینه گؤره، سویوق محاربه‌نین بیتمه‌سیندن سونراآمریکا نین دونیانین مختلیف یئرلرینده عینی زاماندا ایکی رگیونال مناقیشه‌ده غلبه‌سینی تعمین ائد‌جک و شیمالی کورئیانین عراق و یا ایرانا قارشی (و یا عکسینه) محاربه‌ده ایشتیراک ائتمه‌سینین قارشی‌سینی آلماق اوچون ۲ محاربه دوکتریناسی قبول ائدیلیب. چینین گوج قازانماسی و ترور تشکیلاتلارینین داها دا قوتله‌نمه‌سی اؤتن اونیللیین سونوندا آمریکانین بو دوکترینادان ایمتینا ائتمه‌سینه سبب اولوب.

مؤلف سوپرگوجلرین توققوشاجاغی تقدیرده گناهین چوخ گومان کی، آمریکادا اولمایاجاغینی، روسییا و یا چینین بونا جهد ائده بیلجیینی بیلدیریب. روسییا و چین اوردولاری قارشیلارینا فرق‌لی تاپشیریقلار قویاجاغی اوچون آمریکا اولجه بیر دوشمه‌نینی آسانلیقلا سیرادان چیخاراجاق. آوروپاداکی متفیقلرینین کمکی ایله ایسه ایکینجی دوشمنی محو ائتمک چوخ چتین اولمایاجاق. واشینگتتون بو زامان روسییانین دنیزه چیخیشینا مانع اولماقدا چتینلیک چکمه‌یه‌جک و دونانمانین اکثر حیصه‌سی ایله چینی محو ائتمه‌یه چالیشاجاق. ۲-جی دونیا محاربه‌سینده اولدوغو کیمی یئنه اساس مباریزه قورودا آپاریلاجاق. محاربه باشلایاجاغی حالدا اساس دؤیوشلر چینله آپاریلاجاق، چونکی آوروپاداکی متفیقلری آمریکا اولمادان بئله کیفایت قدر قدرته صاحبدیر.