آمریکا و ایسرایل تلاویوده یئرلشن آمریکا سفیرلیینین قدسه کؤچورولمه‌سی ایله باغلی دانیشیقلارا یئنیدن باشلاییب.

آخار. آذ خبر وئریر کی، بو باره‌ده «تایمز اوف ایسرایل» اینفورماسییا یاییب.

وئریلن معلوماتا گؤره، ایسرایلله آمریکا دیپلوماتلاری آراسیندا کئچیریلن مشاویره‌ده هر ایکی طرف دانیشیقلارین یئنیدن باشلانماسینین طرفداری کیمی چیخیش ائدیب. ایسرایل مطبوعاتی گؤروشون کونستروکتیو کئچمه‌سی و وئریله‌جک قرارین اهمیتی باره‌ده یازیب. سفیرلیین قدسه کؤچورولمه‌سی اؤتن هفته ایسرایلین باش ناظری بنیامین نتنیاهو و آمریکا پرزیدنتی دونالد ترامپین باش مشاویری کارد کوشنر آراسیندا کئچیریلن گؤروشون ده اساس مؤوضوعلاریندان بیری اولوب.

قید ائدک کی، هله ۱۹۹۵-جی ایلده کنگرس طرفیندن قبول ائدیلن قانون لاییحه‌سینه گؤره، ایسرایل‌ده‌کی آمریکا سفیرلیگی تل-اویودن قدسه کؤچورولملی ایدی. اراضینین مباحثه‌لی بؤلگه اولماسی سببیندن آمریکا پرزیدنتلری واختاشیری همین قراری تاخیره سالیبلار.